Video
Read full review
2009-12-18
44 views
由佢開張到而家, 幾年來久唔久都會去食下, 但發覺o的侍應換來換去都係麻麻地。尋晚同朋友去食, 一開始叫左皮蛋肉鬆豆腐、牛肉麵、台式炒米粉、鹽酥雞。野食都 overall keep 到水準, 但係鹽酥雞個份量比我幾個月前去食明顯少左三分之一。呢個都未係重點, 我同我朋友係一邊食一邊傾偈, 所以食得慢,不過我地都一直有留意會唔會阻住佢地做生意,眼見佢地一直都只係八成滿, 枕住都有吉位, 我地咪繼續傾囉。但係已經有一位侍應阿姐黑口黑面睥住我地。我地每食完一碟, 就有人即刻收左o的碟, 都唔緊要。最後食剩左五份一碟米粉, 我地諗住坐一陣, 落左格, 先食埋佢。(當時店內仍有兩成吉位, 有客入黎都一定有位坐)點知過左一陣, 果個黑面阿姐就走埋黎問我地仲要唔要,然後收左碟米粉都算, 但連筷子餐具都問都冇問就收晒!!!!我同朋友都好唔滿意, 你點知我地仲叫唔叫野食?餐具都收埋即係擺明趕人走o者!!你間舖又唔係滿, 一直都有兩成位係吉位, 駛唔駛咁樣呀?由於太激氣, 我地決定問另一個侍應囉 menu 再嗌野食!果個黑面阿姐一聽到我地話要 menu,即刻又黑起塊面望黎我地度!!我同朋友點左一客雞湯水餃
尋晚同朋友去食, 一開始叫左皮蛋肉鬆豆腐、牛肉麵、台式炒米粉、鹽酥雞。
野食都 overall keep 到水準, 但係鹽酥雞個份量比我幾個月前去食明顯少左三分之一。
呢個都未係重點, 我同我朋友係一邊食一邊傾偈, 所以食得慢,
不過我地都一直有留意會唔會阻住佢地做生意,
眼見佢地一直都只係八成滿, 枕住都有吉位, 我地咪繼續傾囉。
但係已經有一位侍應阿姐黑口黑面睥住我地。
我地每食完一碟, 就有人即刻收左o的碟, 都唔緊要。
最後食剩左五份一碟米粉, 我地諗住坐一陣, 落左格, 先食埋佢。
(當時店內仍有兩成吉位, 有客入黎都一定有位坐)
點知過左一陣, 果個黑面阿姐就走埋黎問我地仲要唔要,
然後收左碟米粉都算, 但連筷子餐具都問都冇問就收晒!!!!
我同朋友都好唔滿意, 你點知我地仲叫唔叫野食?
餐具都收埋即係擺明趕人走o者!!
你間舖又唔係滿, 一直都有兩成位係吉位, 駛唔駛咁樣呀?
由於太激氣, 我地決定問另一個侍應囉 menu 再嗌野食!
果個黑面阿姐一聽到我地話要 menu,
即刻又黑起塊面望黎我地度!!
我同朋友點左一客雞湯水餃,
等緊個菜出o既期間, 果個阿姐o的面口都係好難睇......
我心諗, 喂, 我地有叫野食架,
一晚前前後後都叫左五個送同埋兩杯野飲,
唔係齋坐架! 間舖又唔係 full, 我地又冇令到你地新入黎o既客冇位坐,
駛唔駛咁呀?
本來個雞湯水餃都幾好食, 但真係食得好冇癮。
食完我地都費時再忍受果件阿姐o的面口, 出去埋單。
埋單係果位阿姐收錢, 全程黑面冇講過野,
仲要真係連你俾完錢象徵式果句「多謝」都冇!!
茶餐廳收銀都好禮貌過佢!
毓民坐響立法會黑口黑面當然冇問題,
但唔該佢o的伙記唔好對住o的客黑口黑面!!!!!!
因為真係好趕客!!!!!!
Post