六両三.台灣食堂

Open Now

Now Closed

心血來潮想食台式火鍋，見到apm隔離有，咁方便就衝咗去食🤪🤪上到去已經見到裝修好台味，木嘅設計，環境好舒服。我哋揀咗梳化位，好有風味。今次嗌咗2個火鍋，湯底分別係藥膳辣同埋沙茶。個沙茶好香！淥嘢之前一定要啖返兩啖，好香好惹味。個梅肉好大塊，每塊嘅脂肪都算平均分佈。除咗豬肉之外，仲加咗錢要個靚牛，有牛嘅味，淥完唔會好韌，仲冇乜肥肉，超正。小食就揀咗牛展頭同埋地瓜條。鐘意食辣嘅人可以叫牛展頭，我食完都出晒汗。地瓜條炸起好脆，配埋椒鹽，好食過豪XX，而且份量都好多。套餐有雪糕送，係曲奇味。最後就揀係配返杯古早味奶茶。店入面有自助吧，調味料可以自行去調教。