八月 (Closed)

今次呢到屯門呢間八月， 食呢個只要有恆生信用卡主卡即可以888元享用既套餐。首先係頭盤，海蜇麻油味重， 質感彈牙但味道偏淡，而中間就係蜜豆，甜甜地都幾過癮，最後隻雞都可以，唔係特別滑，但味道都唔錯。呢個係燕窩翅，味道同平時食開果D翅一樣， 不過佢加咗燕窩係面 ，唔知食完會唔會靚啲呢呢個係蝦球炒烏冬， 我個人覺得呢個非常之好食， 除咗蝦球非常之大粒之外， 佢嘅烏冬亦都係非常之彈牙 ，煙煙靭靭 ，好好食！帶子像拔蚌炒西蘭花，帶子鮮味，西蘭花都夠冧，唔會好硬，而象拔蚌就比較韌，整體上都炒得幾惹味。鮑魚鴨腳扎， 呢個鮑魚汁香濃， 鮑魚亦都非常之彈㗎 ，而鴨腳札既骨膠原好高 ，食完已經黏住咗我個嘴。最後我哋另外追加咗甜品蛋散 同 焦糖燉蛋， 個蛋散非常之鬆化 ，鍾意食甜野既朋友 ，必定要嗌呢個嚟試試， 蛋散隔離彩色嘅係好似綿花糖嘅糖絲， 佢比棉花糖硬身少少 ，食落好有口感。 而最後就係佢呢個生果焦糖燉蛋，生果下面鋪咗一層脆卜卜嘅焦糖， 燉蛋非常之香滑，味道不錯， 加上水果嘅清新，Mix埋一齊食真係一種唔錯既享受。