太極 (Closed)

到「下場」前想搵間上樓店舒舒服服食個飯, 0黎試試呢間京川滬餐廳. 一個人食唔得咁多, 結果只要了個「太極推介」的羊肉搶湯麵 ($46), 加個桂花酒釀丸子 ($18).先0黎羊肉搶湯麵, 未食已聞到好香羊味, 大喜! 湯底濃濃的, 羊味十足, 味道鮮, 不錯; 薄片羊肉較0鞋身, 不過算幾腍, 肉味濃, 幾好食; 麵條係上海粗麵, 硬身有咬口, 浸幾耐都唔會腍晒, 加埋一絲絲好爽口的津白, 口感味道都十分唔錯. 幾有水準的一個羊肉搶湯麵, 值得試試.桂花酒釀丸子用「盅頭」上, 賣相不錯, 但食味就認真唔掂 -- 丸子腍腍的, 完全唔 Q, 桂花香一般, 糖水杰身, 味道好甜, 但又愈食愈酸澀, 實在難吃, 食了 1/4 決定唔食!環境舒服, 裝修帶點優雅 feel, 坐0係窗邊望住地面車水馬龍, 完全兩個世界; 招呼 ok, 店員們幾有禮貌.原本諗住 $75 以下可以落樓, 卻埋單先知原來要收 $10 茶錢 + $10 前菜的, 又由於 d 茶係普通0野 + 前菜超級無誠意, 非常唔 gur. 食物雖然唔差, 但俾0個 extra $20 同 dum 落鹹水海係無分別的, 無