海港薈

Open Now

Now Closed

放飯時間外面天氣突然烏雲密佈☁️，有同事建議不如去海港薈，一來沿路有瓦遮頭，落雨🌧都唔怕。二來大家好耐都未試過去飲茶😊。menu選擇唔算太多，我地最後揀咗8個點心😋。黑金流沙包流沙包十分鬆軟，但奶黄味道唔算突出，整體一般。鮮竹牛肉球牛肉size尚可，牛味唔突出，有落芫茜，但無芫茜味🥲，整體普通。香菇棉花雞一上枱馬上嚇咗一跳😳，點解賣相咁肉酸嘅🙄，東菇、魚肚正常，最唔滿意係雞骨多個雞肉，離譜😡。庶糖馬拉糕馬拉糕非常鬆軟，充滿庶糖嘅香味🥰，但唔甜，抵讚👍。沙爹金錢肚牛肚又軟又入味😋，沙爹好香，好濃味，白蘿蔔入哂味，但有少許渣🥲。金沙米網腸網腸有驚喜🤩，入口即感受到層層嘅薄脆，配上蝦肉和少許芫茜，口感十分豐富😋。甜粟墨魚餅墨魚餅肥厚啖啖肉，爽口彈牙又有墨魚味，配上燒计和芝麻，非常好食😋。腰果叉燒批外層好鬆化，裏面叉燒份量又啱啱好，值得一讚👍。總括而言，個別點心出色，服務以繁忙時間嚟講算唔錯，下次再嚟試下啲炒粉飯麵得唔得先。