Video
Read full review
2016-10-06
518 views
之前同朋友約過話黎呢果餐廳食小菜，但最後因為有事而取消冇黎到，今次終於再有機會過黎一試。餐廳單看門面以為鋪內地方應該唔會好大，結果剛好相反。原來裡面都幾闊落幾大，設計行簡潔風格，座位鬆動，採落地玻璃窗設計，環境光亮明潔。餐廳除了一般中式小菜外，仲有一啲東南亞菜式。 蒜香海蜇頭 ($68) 海蜇頭肉質較厚身 而且 爽口, 令人食得非常之過癮. 配上酸酸辣辣的醋, 十分開胃. 天麻藥膳豬肚湯 ($148) 湯料非常足, 而且湯渣軟腍, 證明係煲得有返咁上下時間的老火湯. 雖然係藥膳湯, 但藥材味并不會十分濃郁, 只有淡淡的天麻香味. 反而胡椒味較出較重, 飲完一碗後成身都暖粒粒. 手工蝦棗 ($68) 外層的皮炸得十分可口酥脆，而餡料全是啖啖肉的是蝦肉&豬肉碎. 配上酸酸甜甜的醬汁, 可減低油膩感. 老鼠粉煲 - 小 ($96) 充滿童年回憶的味道, 食落感覺同狗仔粉的味道好相似. 湯底用了鹹魚,香菇, 肉碎等熬制, 所以十分咸香惹味. 配上滑嘟嘟的銀針粉 和 爽口蝦仁, 簡單而又味美. 星洲醬大魚頭 ($178) “星洲醬” 味道類似麵豉醬, 但帶有微辣. 大魚頭好新鮮, 而肉質都
蒜香海蜇頭 ($68)海蜇頭肉質較厚身 而且 爽口, 令人食得非常之過癮. 配上酸酸辣辣的醋, 十分開胃.
天麻藥膳豬肚湯 ($148)湯料非常足, 而且湯渣軟腍, 證明係煲得有返咁上下時間的老火湯. 雖然係藥膳湯, 但藥材味并不會十分濃郁, 只有淡淡的天麻香味. 反而胡椒味較出較重, 飲完一碗後成身都暖粒粒.
手工蝦棗 ($68)外層的皮炸得十分可口酥脆，而餡料全是啖啖肉的是蝦肉&豬肉碎. 配上酸酸甜甜的醬汁, 可減低油膩感.
老鼠粉煲 - 小 ($96)充滿童年回憶的味道, 食落感覺同狗仔粉的味道好相似. 湯底用了鹹魚,香菇, 肉碎等熬制, 所以十分咸香惹味. 配上滑嘟嘟的銀針粉 和 爽口蝦仁, 簡單而又味美.
星洲醬大魚頭 ($178)“星洲醬” 味道類似麵豉醬, 但帶有微辣. 大魚頭好新鮮, 而肉質都幾鮮甜嫩滑, 配上“星洲醬” 別有一番風味.
家鄉滷元蹄 ($138)元蹄滷得好入味好腍, 邪惡的元蹄皮滑嘟嘟, 而且入口即溶, 可惜只能淺嚐. 滷水汁唔會太鹹, 比較偏甜.
金銀蛋浸莧菜 - 小 ($82)鹹蛋, 皮蛋切粒連同肉碎煮出的上湯浸住D莧菜仔, 令每一條菜都充滿了鹹蛋黃的甘香. 而最重要係莧菜好嫩口, 食落唔會有渣.
三色桂花班蘭糕 ($32)由椰汁糕, 桂花糕 和 班蘭糕 組成, 諗唔到三隻糕連埋一齊食味道可以咁爽, 有桂花的清香味又有椰汁的椰香味, 又唔會太甜, 唔錯!
椰子西米露湯圓 ($32)再食返一碗暖暖地淡淡椰香味的西米露, 配上皮薄餡多的芝麻湯圓. 簡直完美ending.
Post
