禪

Open Now

Now Closed

呢間餐廳係沙田近期新開既餐廳，自己一直都想試，但無論午餐時間定係晚餐時間都好多人等，一直未有機會試。直到今日早左放工，6點就去到餐廳，竟然有位，就入去試下。打開餐牌，款款都好想試，小食、主食、飲品同甜品。最後試左佢既飲品、主食同甜品，食物出品唔錯，性錢唔貴，值得推介既餐廳。日本抺茶紅豆鮮奶（套餐加$12）起初都擔心飲完呢杯奶蓋會好飽，食唔到其它野，但飲落完唔會令你覺得「漏」，而且濃濃的茶味，唔會太甜日式豚肉見見蛋井 $118蛋味濃，撈埋個飯一齊食，增加了豚肉的層次白咖喱野菜烏冬 $138必試必試佢既白咖喱烏冬，因為我同朋友仔都唔係大食，怕食太多肉，食唔到甜品，所以就選左佢既野菜白咖喱烏冬，諗住野菜唔會有咩驚喜，但也是驚喜滿滿的，菜同烏冬分開上，可以自己選擇撈唔撈咖喱汁，而每款野菜食落都好新鮮鮮甜，有驚喜。抺茶紅豆窩夫$118呢個都係好好味，窩夫鬆脆，唔會食舊麵包咁。抺茶醬汁香濃，配上紅豆好夾，而且忌廉軟滑，隨自己喜愛加上合適份量。