Video
Read full review
2011-03-11
41 views
今日放假, 我兩公婆就入咗元朗大榮華飲茶. 去到都係9:40, 由於係平日, 即時就有位.星期一至五平日11:00前特價, 大, 中, 小點一律$11.00, 茶芥$6.00一位我哋叫咗5碟點心 胡椒豬肚湯--份量多, 絕對無因為特價就份量少啲. 味道唔錯, 最正係成碗都係豬肚同腐竹無咸菜, 因我兩公婆都唔食咸菜嘅, (曾經去另一酒樓食過成碗用咸菜墊底, 豬肚得幾件.) 柱侯牛筋肚 --一樣係夠份量, 蘿蔔夠淋, 好味! 迷你珍珠雞--唔錯 荔芋鴨腳扎--幾好 奶皇馬拉糕--呢個招牌點心一定要叫啦, 好香奶皇味, 超掂!呢度啲侍應服務態度幾好, 見食完就主動收碟, 揚手叫佢就即刻到, 仲會同我哋換碟. 我飲茶唔係食晚飯喎. 我都係第一次飲茶會有人換碟咋, 值得一讚.太多嘢食喇, 我哋就慢慢食, 抖下食下傾下計, 都食到11:15先走. 埋單$74.00, 超滿足!
星期一至五平日11:00前特價, 大, 中, 小點一律$11.00, 茶芥$6.00一位
我哋叫咗5碟點心胡椒豬肚湯--份量多, 絕對無因為特價就份量少啲. 味道唔錯, 最正係成碗都係豬肚同腐竹無咸菜, 因我兩公婆都唔食咸菜嘅,
(曾經去另一酒樓食過成碗用咸菜墊底, 豬肚得幾件.)
柱侯牛筋肚 --一樣係夠份量, 蘿蔔夠淋, 好味!
迷你珍珠雞--唔錯
荔芋鴨腳扎--幾好
奶皇馬拉糕--呢個招牌點心一定要叫啦, 好香奶皇味, 超掂!
呢度啲侍應服務態度幾好, 見食完就主動收碟, 揚手叫佢就即刻到, 仲會同我哋換碟. 我飲茶唔係食晚飯喎. 我都係第一次飲茶會有人換碟咋, 值得一讚.
太多嘢食喇, 我哋就慢慢食, 抖下食下傾下計, 都食到11:15先走.
埋單$74.00, 超滿足!
Post
