莫云

Open Now

Now Closed

話說唔講唔知，奧運海傍附近原來有間叫The Olympian嘅酒店入面有一間裝修典雅，味道都唔錯嘅中式宴會廳。點解會話佢係宴會廳呢？因為佢有好多特大嘅VIP房私隱度極高，啱晒見客或者家庭聚會一大班人食飯。今次係屋企人生日指名要黎呢度試試。當晚叫左藕餅、生炒骨、招牌炸子雞、蒸（唔知咩斑）、同一道用龍蝦🦞鮮拆出嚟造成嘅蒸蛋，龍蝦肉上面仲放左魚子醬。整體嚟講水準十分之高，藕餅煎得香脆之餘，亦都唔會太油膩。炸子雞個皮脆到凍咗都仲係脆嘅。生炒骨一樣係香脆可口。最值得推薦就係龍蝦，啲蒸蛋用黎撈飯100分👍🏻可惜嘅係價錢就算中上一啲，畢竟咁樣嘅裝修咁樣嘅配套喺香港真係唔易搵到，如果你都想搵高質素又唔會食到趕頭趕命嘅餐廳不妨過嚟試一試。