Hugo Cafe

Open Now

Now Closed

午餐可以揀是日沙律定係餐湯。我嗰日去就係忌廉粟米湯。鐘會包餐包，餐包有蒜蓉多士同埋小麥sundry tomato香草包。開頭都冇諗住原來佢會有餐包。是日沙律好豐富，有四款菜：水蜜桃、燈籠椒、櫻桃蕃茄、洋蔥。份量適中。帆立貝黑松露意大利飯$98因為今日冇晒帆立貝所以轉咗做大蝦。意大利飯都幾正宗，係有少少硬同埋食起嚟口感好q 彈。每一啖都食到黑松露醬嘅香味，而且後勁會有鮮蝦嘅鮮味。飯裏面會有菇同埋蘆筍條，所以食起上嚟增加口感同咬感。香煎盲曹魚配青醬忌廉汁$138薯菜分量豐富，菜係杏鮑菇炒翠玉瓜同埋四季豆。唔會好油同太鹹。薯仔係薯角，炸到熱辣辣好香口。盲曹魚唔會太熟，肉質好滑，切嘅時候唔會散晒。魚皮好有魚油味。而且黑椒唔會冚咗本身魚嘅鮮味。肉質好鮮甜。外皮煎度有小脆，調味都啱啱好，配埋忌廉汁同青醬可以帶出魚嘅鮮味。個魚做得好出色。藍莓芝士乳酪蛋糕$38Plating 好靚！好有心思！個蛋糕有四層，有朱古力海綿蛋糕、乳酪mousse 同埋藍莓味mouse。有少少藍莓果肉成個蛋糕都好輕盈，唔會好似芝士蛋糕咁咁滯。