營然 (Closed)

嗰日約咗朋友，朋友想食啲健康嘅嘢，公司附近有一間餐廳啱晒佢要求。餐廳位於北角，鋪頭唔算太大，環境十分整潔。是日餐湯同燉湯非常吸引。仲有餃子套餐，手撕雞同其他小食，飲品亦非常吸引。洛神花山楂，酸酸地非常開胃。無花果雪梨蘋果，非常清新嘅配搭。蕃茄薯仔湯，湯味濃郁，茄味香濃。是日燉湯紅棗杞子猴頭菇，火候十足，材料豐富，飲落十分滋潤清甜。麻辣皮蛋豆腐，豆腐嫩滑，配合皮蛋獨特嘅味道，加上麻辣味非常刺激。番茄豬肉餃子同香菇粟米豬肉餃子，餃子皮薄，而且餡料十足，肥豬肉相對比較少，再配上口感彈牙嘅菠菜麵。口水雞飯，雞肉嫩滑，口水雞醬汁非常野味，加埋麻油非常香口。餐廳食物味道一流而且價錢合理，絕對適合喜歡健康之人。