Video
Read full review
2018-05-10
1116 views
Mr. C 一直都想黎呢度試下佢啲餃子，所以嗰日放工就過黎食！鋪頭比較細，我諗最多可以有15個人啦。位都比較窄，所以都keep住見有人買外賣走。我哋大概7點多到，見有位，就堂食啦！手撕雞菠菜麵 $45雖然唔知點解我堂食但都係俾外賣盒，總係覺得好似好浪費咁。個手斯雞味道幾好，撈麻油芝麻油，好香口。雞肉都唔錯，唔鞋口，夠滑身。而且撈咗啲青瓜涼菜，十分開胃。唯一係呢個應該係冷盤，但放咗係熱麵上，變得唔冷唔熱咁。另外菠菜麵質軟硬適中，唔太腍，口感不錯。番茄豬肉餃子10隻 $42; 白菜豬肉餃子10隻 $42; 另加+$8 菠菜麵番茄豬肉餃子：我覺得呢個餃子比較"散"。可能因爲番茄出水。亦有可能因爲呢度每一隻餃子都好有分量，好大粒，所以容易“穿”或者“散”。味道方面，微酸嘅蕃茄令餃子冇咁膩。外皮就唔算好薄，接口位比較厚，但都可以接受。白菜豬肉餃子：Mr. C中意食番茄豬肉，我就中意傳統啲既白菜豬肉餃子。呢個冇番茄豬肉嗰個咁“散”，味道唔錯。而且白菜分量比較多，感覺好健康。點埋呢度既辣醬、醋等漿料，一流！食到一半，真係好熱。食物又熱，間鋪頭又熱。完全唔覺得有冷氣，只有一個好似風扇既物體。而且啲人出
鋪頭比較細，我諗最多可以有15個人啦。位都比較窄，所以都keep住見有人買外賣走。
我哋大概7點多到，見有位，就堂食啦！
手撕雞菠菜麵 $45
雖然唔知點解我堂食但都係俾外賣盒，總係覺得好似好浪費咁。
個手斯雞味道幾好，撈麻油芝麻油，好香口。雞肉都唔錯，唔鞋口，夠滑身。而且撈咗啲青瓜涼菜，十分開胃。
唯一係呢個應該係冷盤，但放咗係熱麵上，變得唔冷唔熱咁。
另外菠菜麵質軟硬適中，唔太腍，口感不錯。
番茄豬肉餃子10隻 $42; 白菜豬肉餃子10隻 $42; 另加+$8 菠菜麵
番茄豬肉餃子：
我覺得呢個餃子比較"散"。可能因爲番茄出水。亦有可能因爲呢度每一隻餃子都好有分量，好大粒，所以容易“穿”或者“散”。味道方面，微酸嘅蕃茄令餃子冇咁膩。外皮就唔算好薄，接口位比較厚，但都可以接受。
白菜豬肉餃子：
Mr. C中意食番茄豬肉，我就中意傳統啲既白菜豬肉餃子。呢個冇番茄豬肉嗰個咁“散”，味道唔錯。而且白菜分量比較多，感覺好健康。點埋呢度既辣醬、醋等漿料，一流！食到一半，真係好熱。食物又熱，間鋪頭又熱。完全唔覺得有冷氣，只有一個好似風扇既物體。而且啲人出出入入又唔關門，店員又冇幫手關門，食得真係有點不爽。下次點都一定叫外賣。
另外我諗我哋叫得太多。。。哈哈
下次都係叫小個麵或者10隻餃子雙拼。
Post
