八不·壽喜燒

Open Now

Now Closed

响openrice 見好多好評諗住一試，星期日三個人一早book好位，叫咗個極品八不壽喜燒二人牛盛餐，有A5佐賀、SRF封門柳、頂級黑安格斯小排、野菜盤及山岳果酒，再追加日本茶美豚肉腩片及級黑安格斯小排。當我夾起個碟佐賀面頭個三塊放入鍋，淨返面前依碟牛肉，有幾塊仲要係得半塊，實在令人感到詫異。之後回家翻看其他開飯朋友留言既相，發現完全兩回事，心感依間店已列入黑名單。至於牛肉味最好都係佐賀，夠淋入口即溶，其餘兩款就真係唔掂，牛味唔重又鞋口。另外，追加的日本茶美豚肉腩片$98得果6塊，openrice睇其他人追加都有9塊，完全兩回事。店員亦不知所謂，响隔離枱不停溝女，再光顧的機會亦唔會有。