香港西廚學院

Open Now

Now Closed

標題太搶眼罷😅，應該係「談情一流」至真，先睇頭幾張相片，星期六晚全程得我一枱客，肯定不會撞到朋友，環境舒適，地方乾淨，氣氛燈光柔和，建議情侶要有高穩耐能力才來幫襯，因為此處並非正式餐廳食店。店名清晰「西厨學院」，是訓練少年厨神的地方，可惜今晚得我一枱人客book位，所以學院沒有安排其他學員OT，也沒有安排導師帶領，只得一個「少年學神」在場服務，由入門口+帶位+點餐+煮食物+上菜+收碟+沖咖啡+cashier+洗碗，都係佢一個人包辦曬。問佢一句，答你半句，目無表情，唔緊要，都係唔好騷擾佢做嘢，怕佢分心打爛嘢。原本見佢$298~兩人晚餐，心想非常抵食，但係原來主菜只可選一樣，我覺得唔夠飽，所以加咗沙律和甜品。湯ok，多士普通，條魚ok好食但份量少，比較奇怪是包餐飲，但只得咖啡要加$20🤯，甜品「紅酒啤梨」出色👍，最後結帳大約$400~我想比多次機會自己，下次應該要平日中午來試Lunch，我估會有多啲學員和有導師帶領，希望不會再令我失望。