Video
Read full review
2024-10-12
168 views
蘭桂坊一向係聚會享樂嘅好地方，除咗去蒲酒吧，而家仲可以去蒲麻辣火鍋店。呢度最近新開正宗重慶火鍋店朝天門，品牌源自重慶，已經有89年悠久歷史，係重慶火鍋嘅表表者😎點解呢度會係聚會好地方？皆因環境闊落又有特色，仲可以book VIP房坐十幾人，房內有卡啦OK，可以一邊打邊爐一邊唱K🎤超級爽，宴客啱哂👏🏻呢度嘅服務水準都幾好，加湯時會用扇子擋一擋，以免湯汁彈到客人，又會係碟子放上麵包，食嘅時候可以將食材印一印，吸去油脂。呢度亦會提供圍裙，咁就可以打邊爐打得盡興啲😆精選川味鴛鴦鍋雙人午餐 (原價$1,132，OpenRice預訂$568)🥠重慶小吃組合有小麻花、雲片糕、怪味蠶豆，係經典嘅重慶小吃。怪味蠶豆好特別，先甜後鹹又辣，雜味紛陳😛雲片糕帶微微甜味都幾特別。🥘玉璽鴛鴦鍋（麻辣微辣、菌湯）鍋蓋上放上玉璽，有種宮廷風啱晒打卡📸揭開玉璽鍋即見麻辣以及菌湯鴛鴦鍋，麻辣可以揀微／中／大辣，微辣啱啱好，麻香有致，辣勁足卻不會嗆喉😋菌湯亦出色，菇菌味香氣十足😻🫙醬料醬料款式甚多，有唔少重慶特色款式，好似牛肉醬、香油等。店員為我哋特別調製重慶正宗蘸料，有香油、蠔油、醬油、蔥。食材蘸上香油，可以減輕辣度，亦
精選川味鴛鴦鍋雙人午餐 (原價$1,132，OpenRice預訂$568)
🥠重慶小吃組合
有小麻花、雲片糕、怪味蠶豆，係經典嘅重慶小吃。怪味蠶豆好特別，先甜後鹹又辣，雜味紛陳😛雲片糕帶微微甜味都幾特別。
🥘玉璽鴛鴦鍋（麻辣微辣、菌湯）
鍋蓋上放上玉璽，有種宮廷風啱晒打卡📸揭開玉璽鍋即見麻辣以及菌湯鴛鴦鍋，麻辣可以揀微／中／大辣，微辣啱啱好，麻香有致，辣勁足卻不會嗆喉😋菌湯亦出色，菇菌味香氣十足😻
🫙醬料
醬料款式甚多，有唔少重慶特色款式，好似牛肉醬、香油等。店員為我哋特別調製重慶正宗蘸料，有香油、蠔油、醬油、蔥。食材蘸上香油，可以減輕辣度，亦都無咁傷胃，仲為食材添加一重香氣🤩
🥩新西蘭羊肉卷
份量頗大，羊肉肥瘦均勻，肉質啱啱好，羊騷味唔會太重，配麻辣火鍋係絕配😋
🥓特色三拼（鮮毛肚、冰川鵝腸、烽火戲諸侯）
食重慶火鍋梗係要食下內臟😏烽火戲諸侯即係豬喉🤣三款都係烚10秒就食得喇。內臟洗得好乾淨毫無異味👏🏻鵝腸夠爽脆；豬喉大大塊幾有咬口；黑柏葉就煙煙韌韌。
🍖肉多多午餐肉、貢丸
其他大路嘅配料都唔錯，貢丸勁爆汁💦
🥙菌菇拼盤、鮮嫩茼蒿菜
叫咗菌湯湯底，梗係要叫多一盤菌菇拼盤，double滿足☺️特別喜歡當中嘅黃耳，幾爽脆😋茼蒿菜因為有陣獨特草青味平時好少食，但估唔到浸落菌湯湯底，索滿菇菌香又幾好食👍🏻
🍧特色紅糖冰
店員會幫你即場係冰粉淋上紅糖漿以及提子乾。食完辣辣地嘅火鍋再食呢個冰凉香甜嘅甜品，好滿足🥳
推介指數（10分為滿分）：8分
Post
