阿荔車仔麵

Open Now

Now Closed

大壩街可謂荃灣既食街，今次試左呢間新開既阿荔車仔麵，主打豬手同牛腩。餐廳入面座位唔多，但勝在環境乾淨，空間感夠！另外餐廳入面霓虹招牌同當舖招牌好似，帶出懷舊氣息。- 生炸豬頸肉馬來喇沙外賣既話餐廳會將麵同湯分開，做法非常貼心🥰。豬頸肉好大件，肉質煙韌。湯底香濃，米粉唔易斷開，而且吸引喇沙既精華，非常惹味。- 招牌南乳豬手撈粗麵粗麵份量適中，醬汁味道略嫌濃烈。豬手份量都唔少而且炆得幾稔，容易入口。- 椒鹽炸三寶三寶指魚蛋、墨魚丸同蝦棗丸。自己無食過蝦棗丸，入面蝦肉幾鮮甜。整體每一粒都炸得好均匀，金黃香脆。