仁芝初

Open Now

Now Closed

食完晚餐點可能唔去食糖水，我同朋友一行三人因為住得好近旺角，所以經常都會去通菜街搵嘢食。今次食完晚餐去咗平時好多人排隊嘅仁芝初，因為太多人嘅關係，所以我哋食飯之前買定外賣返屋企。朋友叫咗碗最出名嘅熱香滑芝麻糊同杏仁露，果然招牌芝麻糊真係唔係浪得虛名，芝麻糊相當滑，但係唔會太甜。另外杏仁露好香杏仁味，兩樣一齊食個味道好夾。另外白果薏米腐竹我哋加咗隻蛋落去，白果同薏米都煲得好淋，朋友相當滿意。最後係芋茸蓮子西米露，我仲加多左$9要芋圓，佢哋嘅西米露煲得好好味，加埋芋圓就更加夾啦！提提大家，呢度淨係收現金，舖頭嘅店主都好好人，推介大家！