沙田新強記燒鵝海鮮酒家

Open Now

Now Closed

平日夜晚同屋企人食飯，屋企人話好耐無食乳鴿，所以就去新強記，平日夜晚唔洗等位直接入得，待應姐姐全部都好友善同好傾得😂叫左個超值乳鴿餐，有兩隻乳鴿，金銀蛋時蔬，雞粥(例)-$350乳鴿平時叫一隻唔夠喉，今次叫夠兩隻😂燒得好香，size算中等，都食到啖啖肉，正。雞粥相信大家都唔陌生，新強記名物，食完都唔口渴！又多雞，成煲粥都好夠味得黎唔味精。金銀蛋時蔬，今日係白菜仔，份量都唔小，好夠味。蒜蓉粉絲蒸元貝-$48/1。都幾大隻下，炸蒜同粉絲都正！好夠味。椒鹽九肚魚（例）-$128。勁香口，果然姨啲要係酒樓叫係唔同啲，一上菜熱辣辣，即叫即炸。總結：屋企好滿意今餐，特別係雞粥同乳鴿，出面搵唔到。同場見到好多人係到慶生。下次再帶屋企人黎。