金麥泰泰國菜館

Open Now

Now Closed

九龍城既泰國菜真係永遠無得輸！平時食開果幾間都太多人，誤打唔撞入咗呢一間金麥泰泰國餐廳，第一大驚喜係餐牌上嘅大部份菜式嘅價錢都非常合理！當晚，最最最想食既泰式生蝦！就係因為見到佢哋有先入嚟，真係好滿足呀！另外一個我個人必食就緊係咖哩，今次試左佢地既咖哩牛腩牛筋，依個咖喱偏甜都算幾香，牛腩牛筋都煮得非常之入味而且非常之軟，近乎入口即溶嘅感覺！好味！珍珠釀雞翼炸得好香，中間既糯米令到我覺得好飽但係都好食嘅！最後講埋個通菜，都好夠火喉！ 除左薄餅之後，本身真係無得輸。。。但個薄餅真係比佢個貌相嚇左一跳😂 而味道口感都麻麻地，好彩有咖喱可以點來食！總結呢一餐我都食得好滿意！我覺得下次可以再嚟呢一間食！因為真係價廉物美！