Video
Read full review
2023-01-11
106 views
荃灣shopping 後心血來潮想食少少野，上網search見到呢間評價不錯，價錢公道，係難搵少少啫。餐廳裝修簡約，播著日文歌。以QR code落單，可以揀埋走葱 (朋友唔鍾意葱)。枱上有七味粉/ 日式胡椒 / 鹽 / 辣椒粉，重口味可以再自行調味。未食先來一份免費的蟹籽沙律，清新下先。芝士流心蛋大啡菇 ($28)附上刀叉，啡菇大隻同厚身，燒得唔乾；上面流心蛋一壓蛋汁就爆發，成隻菇都浸滿蛋汁。日式燒豆腐 ($14)一串有三塊板豆腐，上面舖滿木魚碎；外皮燒得香脆。燒明太子雞翼($22)明太子釀入雞翼脹卜卜，少少焦香味。燒雞軟骨 ($15)每次食串燒必點，貪佢有咬口，鹽燒，味道正正常常。燒腸大腸 ($24)邪惡之物，燒到條邊少少燶，香味更顯著，見到肥膏都照食唔理啦!月見免治雞肉軟骨棒 ($32)直接用免治雞肉棒撈好個月見汁，黏起哂蛋汁同醬油咁食最正，同都好鍾意入面有少少軟骨夠咬口。鹽燒牛小排 ($42)拆開一粒粒見到裏面仲粉嫩，淡淡粉紅色，唔靭，師傅以鹽作調味本身都夠味!豚肉雞蛋卷 ($24)有兩串，超抵食! 包係外面既豚肉燒完而入面蛋仲係流心，感覺時間要掌握得好好先做得到。蒜蓉燒帶子 (
上網search見到呢間評價不錯，價錢公道，係難搵少少啫。
餐廳裝修簡約，播著日文歌。
以QR code落單，可以揀埋走葱 (朋友唔鍾意葱)。
枱上有七味粉/ 日式胡椒 / 鹽 / 辣椒粉，重口味可以再自行調味。
未食先來一份免費的蟹籽沙律，清新下先。
芝士流心蛋大啡菇 ($28)
附上刀叉，啡菇大隻同厚身，燒得唔乾；上面流心蛋一壓蛋汁就爆發，成隻菇都浸滿蛋汁。
日式燒豆腐 ($14)一串有三塊板豆腐，上面舖滿木魚碎；外皮燒得香脆。
燒明太子雞翼($22)明太子釀入雞翼脹卜卜，少少焦香味。
燒雞軟骨 ($15)每次食串燒必點，貪佢有咬口，鹽燒，味道正正常常。
燒腸大腸 ($24)
邪惡之物，燒到條邊少少燶，香味更顯著，見到肥膏都照食唔理啦!
月見免治雞肉軟骨棒 ($32)直接用免治雞肉棒撈好個月見汁，黏起哂蛋汁同醬油咁食最正，同都好鍾意入面有少少軟骨夠咬口。
鹽燒牛小排 ($42)拆開一粒粒見到裏面仲粉嫩，淡淡粉紅色，唔靭，師傅以鹽作調味本身都夠味!
豚肉雞蛋卷 ($24)有兩串，超抵食! 包係外面既豚肉燒完而入面蛋仲係流心，感覺時間要掌握得好好先做得到。
蒜蓉燒帶子 ($34)蒜蓉夠多，帶子仍帶鮮。
醬油年糕串 ($32)年糕上面有塊紫菜，好似日式燒餅。入口外脆內軟。
餐廳也有飯及烏冬供應，唔怕唔夠飽；另外亦有不少雞內臟串燒，有興趣可以一試。
可惜串燒店位置容易被忽略，不過價錢同款式取勝，味道亦唔錯。
Post
