五匠六釜

Open Now

Now Closed

Airside餐廳的物價都唔平，睇過幾間餐廳之後選左呢間試下。在星期五晚的情況下，餐廳都幾滿座，餐廳位置都多，等左一陣就可以入去食了。片皮鴨（半隻）$168半隻來講份量都幾多，多鴨肉，而且都多摩摩皮，應該有成20塊，都可以夠3-4個人食，配搭有青瓜同大蔥。四川擔擔麵（$52）基本上食親上海菜，我都會叫碗擔擔麵，呢間的擔擔麵較重四川麻辣味，花生醬味較淡，麵質似上海麵，份量都幾大碗。西米椰汁流心球 $8/件（四件起）呢個有驚喜！熱辣辣脆炸的表面，波波一咬會爆汁，除左椰汁之外，真係有一粒粒的西米，甜而不膩。而家好興食檸檬茶，見到呢間都有推鴨屎香檸檬茶，下次可以試試