富都軒

Open Now

Now Closed

細個同屋企人嚟尖沙咀中心飲茶，每次坐子彈𨋢都好興奮，經過附近開會見到原來嗰度附近開咗間中菜餐廳，見價錢合理，一於上去試吓。餐廳就係中庭位置，搭子彈lift上3樓就到。最驚喜餐廳原來望到維港靚景，望住呢個海景食飯真係特別享受，首先乳鴿，新鮮炸起，脆卜卜好入味，另外叫咗千葉豆腐，一道好考功夫嘅餸菜，豆腐切得咁薄，但依然好滑，真係好犀利。老公最愛食斑腩煲，一上枱已經聞到好香好香，成個煲有成七至八塊斑腩，好厚身好多肉，味道亦都做得非常出色，用嚟送飯真係一流。另外蘆筍炒蝦球，蝦球好大隻，而且非常彈牙，最驚喜係擺盤好靚，用嚟打卡非常吸睛。最後食碟菜清一清口腔，豆乳味配搭蔬菜，原來成個感覺都幾清新，最後食埋個甜品，估唔到連甜品都令我咁驚喜，真係超級好食嘅杏仁茶，同埋我食完一杯想再食多一杯嘅木糠布甸。總括叫咗幾道菜由前菜主菜到甜品，都做得咁出色，真係好少見，下次要同屋企人再嚟飲茶，試埋呢度啲點心先。