Video
Read full review
2022-11-26
65 views
我之前已經試過一次，覺得好食再拉埋老爸再來吃。 我上次自己一個人嚟食，叫咗蝦餃、 韭菜鮮蝦腸、 欖仁馬拉糕、燒汁茄子和沙參玉竹雞湯，而今次拉埋老爸嚟食，梗係試多幾味新嘅點心， 所以除咗蝦腸和蝦餃外，還叫咗上海小籠包、五香鹹水角和黑金流沙包。1.蝦餃： 蝦肉餡料爽口彈牙多汁， 蝦餃皮不是很厚身口感煙韌，$8 一粒非常抵食2. 韭菜鮮蝦腸： 鮮蝦仁雖然唔係好大粒，但係都非常爽口， 腸粉皮爽口唔係淋pat pat 3. 欖仁馬拉糕： 馬拉糕口感鬆軟，帶有牛油香味4. 燒汁茄子： 味道一般冇驚喜5： 上海小籠包： 我見到好多網友推介這款點心 所以好奇一試， 網友果然冇推介錯，這店的上海小籠包比得上上海菜館， 咬開很多肉汁，我吃得出有薑末混在肉餡裏面， 個皮雖然比出面上海舖厚啲啲，但以點心舖嚟講非常出色。 6. 五香鹹水角： 肉餡料主要是碎豬肉、葱和五香粉， 味道ok唔會好咸， 鹹水角外皮很脆帶點甜味，但老爸話有點黏口， 我就覺得還可以。7. 黑金流沙包： 包包個size比出面少一點， 因為先吃其他點心我吃這包嘅時已經凍咗，但 搣開時仍然保持流心狀態，甜道ok。 8. 臘味糯米包： 糯米包餡料有
1.蝦餃： 蝦肉餡料爽口彈牙多汁， 蝦餃皮不是很厚身口感煙韌，$8 一粒非常抵食
2. 韭菜鮮蝦腸： 鮮蝦仁雖然唔係好大粒，但係都非常爽口， 腸粉皮爽口唔係淋pat pat
3. 欖仁馬拉糕： 馬拉糕口感鬆軟，帶有牛油香味
4. 燒汁茄子： 味道一般冇驚喜
5： 上海小籠包： 我見到好多網友推介這款點心 所以好奇一試， 網友果然冇推介錯，這店的上海小籠包比得上上海菜館， 咬開很多肉汁，我吃得出有薑末混在肉餡裏面， 個皮雖然比出面上海舖厚啲啲，但以點心舖嚟講非常出色。
6. 五香鹹水角： 肉餡料主要是碎豬肉、葱和五香粉， 味道ok唔會好咸， 鹹水角外皮很脆帶點甜味，但老爸話有點黏口， 我就覺得還可以。
7. 黑金流沙包： 包包個size比出面少一點， 因為先吃其他點心我吃這包嘅時已經凍咗，但 搣開時仍然保持流心狀態，甜道ok。
8. 臘味糯米包： 糯米包餡料有臘腸碎、臘肉碎和蔥， 糯米飯爽口一粒粒， 味道ok。 我想喜歡吃臘味糯米包的朋友，應該都會喜歡這間店的臘味糯米包。
9. 沙參玉竹雞湯：$38 一盅，湯係有料嘅，味道我覺得以這個價錢嚟講非常ok。
我試咗兩次，覺得這點心舖出餐快，點心熱辣辣，一定會再嚟幫襯。
好味點心
4 views
0 likes
0 comments
Post
