文記車仔麵 (福榮街)

Open Now

Now Closed

一條街3間鋪，就食左呢間最多人評論最多口碑嘅先啦~先講環境，比起另外兩間，佢係比較四四正正，不過入到去真係幾迫，空間感好少，坐得唔舒服。而且感覺上太多人等緊位，所以唔可以食得太慢。配料$8-12，麵底$8-9，湯底分腩汁、瑞士汁、清湯，可配辣汁、沙嗲等。每個位都整齊擺放好醬料、菜莆，呢方面都值得加下分嘅。唔算好貴。腩汁湯夠濃, 蘿蔔幾清甜，牛腩炆得好淋好入味，不過呢D係基本野姐。豬腸份量幾多下，乾淨唔韌；鳳爪還可以，唔算鬆散；韭菜餃可能浸得耐，一夾散哂。整體黎講，用料足，湯底入味，可以再戰。至於衛生方面要扣番分，真係幾多烏蠅，咁樣真係反胃架。