唐人館 (置地廣場中庭)

Open Now

Now Closed

聽過唐人館個名好耐但都係第一次來試，點知食物質素真係同 expectation 出入太大。 餐廳位於 Landmark Atrium 4樓，地段高貴，餐廳入部裝修都係走高級路線，價錢自然唔平，可惜服務同食物方面同一般企理少少嘅酒樓無異。先講個「唐人館叉燒」，其實不俗，半肥瘦肉質都算鬆化，但比佢好嘅大有其他選擇，絕對唔值$358。點心方面叫咗蝦餃、金絲海鮮腸粉、灌湯牛肉餅同煎蘿蔔糕，都係平平無奇。西班牙紅蝦伊麵 ($228/位)，呢個都 ok，但我會 prefer 佢俾返原隻蝦頭可以食入面啲膏，果度先係西班牙紅蝦嘅精萃。個「極品」炒菜心苗係好食嘅，夠嫩同有少少酒味炒得夠香，但都係菜心一碟就 $258。最後甜品都係失望嘅，芋茸燉鮮奶燉老咗唔夠滑，擂沙湯圓皮厚餡少，菠蘿流沙包比較好但皮唔夠酥脆，都係不過不失吧。整體黎講呢度近乎酒店價但食物質素十分普通，應該唔會有下次了。