Video
Read full review
2022-05-17
588 views
🚩灣仔係香港揾到一間正又好食嘅拉麵店其實都幾難 呢間印象中唔差都幾好食🤭所以就帶女朋友去試下~—————————————————————————🌚男友評價:🍜🦐Shrimp Miso Ramen Special $140我叫嗰個海老虎精選 係香港限定 用咗蝦味噌湯底 一上到堂已經聞到好香嘅蝦味 就咁睇都見到比較濃厚 飲落去每一啖都係精華 好似用好多隻蝦落去煲咁仲有d似蝦膏味🫢加埋啲櫻花蝦點綴 正！湯味比較濃 所以麵條都比較唔掛湯係幾適合嘅 拉麵仲會跟豬肩肉叉燒，手打豚肉丸，雲耳，竹筍同糖心蛋 好豐富😙豬肩肉叉燒冇乜肥膏之餘非常有彈性同軟熟已經做得比好多拉麵舖好😉手打豚肉丸就正常 啱啱好食落又唔會太實又唔會散哂 糖心蛋處理得非常好生熟程度好理想 不過食一隻已經好飽😂揀精選仲要跟埋伊比利亞豬腩肉 大大舊好厚 非常邪惡😈一開始食落去啖啖肉係好滿足嘅食到咁上下就會覺得非常膩加埋碗湯比較濃味嘅關係 食到最後會覺得有d鹹 係會飽到飛起😵🐔Deep Fried Chicken $48我哋仲加咗份炸雞 賣相係非常香脆 上菜時仲係熱辣辣 每一塊都超大舊🫡肉質一啲都唔鞋 肉質都算柔軟 喺拉麵店提供到四舊
係香港揾到一間正又好食嘅拉麵店其實都幾難 呢間印象中唔差都幾好食🤭
所以就帶女朋友去試下~
—————————————————————————
🌚男友評價:
🍜🦐Shrimp Miso Ramen Special $140
我叫嗰個海老虎精選 係香港限定 用咗蝦味噌湯底 一上到堂已經聞到好香嘅蝦味 就咁睇都見到比較濃厚 飲落去每一啖都係精華 好似用好多隻蝦落去煲咁仲有d似蝦膏味🫢加埋啲櫻花蝦點綴 正！
湯味比較濃 所以麵條都比較唔掛湯係幾適合嘅 拉麵仲會跟豬肩肉叉燒，手打豚肉丸，雲耳，竹筍同糖心蛋 好豐富😙
豬肩肉叉燒冇乜肥膏之餘非常有彈性同軟熟已經做得比好多拉麵舖好😉
手打豚肉丸就正常 啱啱好食落又唔會太實又唔會散哂
糖心蛋處理得非常好生熟程度好理想 不過食一隻已經好飽😂
揀精選仲要跟埋伊比利亞豬腩肉 大大舊好厚 非常邪惡😈
一開始食落去啖啖肉係好滿足嘅食到咁上下就會覺得非常膩加埋碗湯比較濃味嘅關係 食到最後會覺得有d鹹 係會飽到飛起😵
🐔Deep Fried Chicken $48
我哋仲加咗份炸雞 賣相係非常香脆 上菜時仲係熱辣辣 每一塊都超大舊🫡
肉質一啲都唔鞋 肉質都算柔軟 喺拉麵店提供到四舊咁大舊又咁香脆嘅炸雞已經好難得
🍺Sapporo Beer $38
另外仲叫咗杯啤酒一嚟可以配炸雞咁食 二嚟係幫我解滯😗味道偏淡
🌝女友評價:
🍜🐟Kamitora Ramen Special $147
選擇困難症揀就一定揀人氣no.1嘅神虎精選 一黎好肚餓二黎都想試下佢個伊比利亞豬腩肉🤭
湯底係魚介味 唔會話太濃太多漿 鹹度啱啱好 我一啖湯一啖麵濃郁嘅魚介味令我忍唔住係咁食☺️絕對唔係出面食完覺得齋味精要係咁飲水嗰種🤣麵質都幾彈牙 唔錯！
其他配料男朋友都介紹左我就唔提了 但係佢個豬腩肉真係好厚好大塊 好淋嘅肉質😋但係真係太膩啦 第一次食到差啲食唔晒嘅拉麵
🍵Green Tea Coke $23
見到覺得綠茶汽水似好伏 我就揀黎試下 其實就無乜綠茶味 唔太識形容🤣但好飲嘅汽水囉
整體黎講性價比高 我覺得依個價錢有一碗配料咁多又好食嘅拉麵都唔易架🧐真心比起啲連鎖拉麵店好太多
佢係灣仔啲地鋪 一入去真係好似去左日本啲拉麵店咁 係落雨天嘅夜晚食返碗熱辣辣嘅拉麵真係好爽😌
見到隔離枱食我最愛嘅雞白湯蠔拉麵😍係每月限定 我下次又去試下先！
佢哋唔同店每個月都有唔同嘅限定 都幾有新意~）
Shrimp Miso Ramen Special
$140
19 views
0 likes
0 comments
Kamitora Ramen Special
$147
21 views
0 likes
0 comments
Deep Fried Chicken
$48
36 views
0 likes
0 comments
Green Tea Coke
$23
0 views
1 likes
0 comments
Sapporo Beer
$38
4 views
0 likes
0 comments
Post
