正潮樓

Open Now

Now Closed

今晚同朋友去左銅鑼灣正潮樓吃晚飯。我們點了潮州炒香飯，糖醋煎伊麵，鵝六寶（鵝肉，鵝蛋，鵝掌，鵝翼，鵝腸，鵝肝）,鵝紅脆皮九肚魚，方魚炒芥蘭，反沙芋頭。先飲杯功夫茶，潮州菜特色先功夫茶入口。潮州炒香飯：材料豐富，炒飯炒得好香口。糖醋煎伊麵：煎好左伊麵，又唔會燶又夠香。自己再加糖同醋去自行調節味道。鵝六寶（鵝肉，鵝蛋，鵝掌，鵝翼，鵝腸，鵝肝）：鵝肉唔會太韌，夠晒滑又唔會太肥。滷水汁底香甜又唔會太鹹。鵝蛋香口，又入晒滷水汁味道。鵝掌，鵝翼都有口感又味道好。鵝肝香味十足，咬落質感都好好。鵝腸爽口彈牙。鵝紅：鵝紅唔會一夾就散，都幾好味道。脆皮九肚魚：外脆內熱，魚味夠鮮甜。方魚炒芥蘭：芥蘭苗新鮮爽甜，方魚干香口。反沙芋頭：煮好既糖熱辣辣在面，芋頭熱辣辣夠晒粉。配合得幾好，幾好味道。