Video
Read full review
2024-11-28
286 views
位於九如坊嘅omakase, 好有耐心咁為客人講解食材同菜色啲元素；環境寧靜、舒適，睇住廚師嘅手藝好癒療，睇得出佢哋用心，好適合放工嚟放鬆、放低負面情緒。先上嘅係沖繩水雲搭新鮮三文魚子酸酸地易入口，極開胃，加埋個北海道帶子結實、非常新鮮，又大隻，絕對係物有所值。平時生蠔食得多，今次試下食蒸蠔：廚師輕輕蒸咗2分鐘，口感更加嫩滑，同時僻走咗啲腥味，處理得好好，配埋酸橘啫喱非常解膩，容易入口，成件事好juice，底下有青瓜，突出到爽脆嘅口感，十分有趣。入主菜：慢煮八爪魚彈牙入味，加埋柚子胡椒一齊食，酸酸辣辣更刺激，更有層次，加埋有個汁煮蘿蔔收結，甜到出汁，又入哂味，一咬即爛，係完美嘅口感配搭。跟住有磯粒貝用法國牛油做點綴，加上豉油一齊煮，咸咸地又唔太油膩，濃郁嘅風味入面仲食得出海水嘅清甜；貝肉彈牙，啖啖肉，好滿足，食日本料理好少遇到咁濃烈嘅風味。香知縣象拔蚌刺身，比一般貝類嘅腥味輕啲，加青檸汁同海鹽就已經剛剛好，突出到食材嘅優勢而又唔會喧賓奪主。左口魚同左口魚邊刺身，啖啖肉，但味道清雅。至於我以為係吞拿魚嘅鰹魚刺身，搭配埋蒜蓉同芥末醬十分新奇，香濃嘅調料唔會搶咗鰹魚嘅肉質鮮美，加埋蒜味久而不
先上嘅係沖繩水雲搭新鮮三文魚子酸酸地易入口，極開胃，加埋個北海道帶子結實、非常新鮮，又大隻，絕對係物有所值。
平時生蠔食得多，今次試下食蒸蠔：廚師輕輕蒸咗2分鐘，口感更加嫩滑，同時僻走咗啲腥味，處理得好好，配埋酸橘啫喱非常解膩，容易入口，成件事好juice，底下有青瓜，突出到爽脆嘅口感，十分有趣。
入主菜：慢煮八爪魚彈牙入味，加埋柚子胡椒一齊食，酸酸辣辣更刺激，更有層次，加埋有個汁煮蘿蔔收結，甜到出汁，又入哂味，一咬即爛，係完美嘅口感配搭。跟住有磯粒貝用法國牛油做點綴，加上豉油一齊煮，咸咸地又唔太油膩，濃郁嘅風味入面仲食得出海水嘅清甜；貝肉彈牙，啖啖肉，好滿足，食日本料理好少遇到咁濃烈嘅風味。
香知縣象拔蚌刺身，比一般貝類嘅腥味輕啲，加青檸汁同海鹽就已經剛剛好，突出到食材嘅優勢而又唔會喧賓奪主。左口魚同左口魚邊刺身，啖啖肉，但味道清雅。至於我以為係吞拿魚嘅鰹魚刺身，搭配埋蒜蓉同芥末醬十分新奇，香濃嘅調料唔會搶咗鰹魚嘅肉質鮮美，加埋蒜味久而不散。講到廚師發辦當然要提一提主廚刀功細膩，擺盤有心思，喺你面前切魚生係一場演出，仲要照顧埋你用餐速度係一種細心。
跟住上咗芽蔥鯖魚芝麻昆布卷，加埋紫蘇花一齊食別有風味，清新得嚟又有芝麻香，薑絲都幾refreshing，昆布就幾卜卜脆，鯖魚刺身肉質結實，唔錯。緊接住係鮟康魚肝蓉最中餅，鬆脆得嚟入面嘅慕絲有涼涼地，清新嘅，花生形狀都幾吸引人。去到炸物嘅部份就係神奈川嘅吉列太刀魚，好少食到咁嫩口滑身嘅吉列魚，魚肉唔會太實，上面加咗烏魚子，點埋個蛋黃醋，酸酸地，非常解膩，想一食再食。
到壽司嘅部份石垣鯛油脂重，咬耐啲就食得出魚油嘅香味；醋漬沙丁魚薑葱蓉係我冇諗過咁好食又咁夾嘅壽司，醋酸化一化沙丁魚嘅濃厚魚油，沙丁魚同時又不斷彰顯自己嘅存在。到松葉蟹大集合壽司：蟹肉、蟹肶、蟹膏、蟹籽，層層唔同口感，一啖食落去，全部都係蟹嘅精華，由清到濃，一啖便知新鮮與否；不得不提個兩星期熟成中拖羅，咸味適中，油脂豐富；仲有個灸燒梭子魚壽司，極之香口，最鍾意少少嘅焦香，因為完全激發到拖羅魚油嘅甘香。
壓軸係個赤味噌湯加北寄貝邊，豆味濃，非常溫暖。最後嘅甜品係富有柿配焙茶雪糕清新淡甜，柿肉唔會搶風頭，而焙茶雪糕配埋自家製嘅蛋白脆餅，鬆脆但唔會𠝹口，入口異常優秀。
北海道帶子
12 views
0 likes
0 comments
生蠔配酸橘啫喱
0 views
0 likes
0 comments
慢煮八爪魚
7 views
0 likes
0 comments
磯粒貝
0 views
0 likes
0 comments
芽蔥鯖魚芝麻昆布卷
0 views
0 likes
0 comments
鮟康魚肝蓉最中餅
0 views
0 likes
0 comments
吉列太刀魚
0 views
0 likes
0 comments
醋漬沙丁魚薑葱蓉壽司
0 views
0 likes
0 comments
松葉蟹壽司
0 views
0 likes
0 comments
灸燒梭子魚壽司
8 views
0 likes
0 comments
富有柿配焙茶雪糕＆自家製蛋白脆餅
0 views
0 likes
0 comments
Post
