Video
Read full review
2013-01-02
1891 views
踏入2013年嘅第一晚，梗係要搵返餐好嘢食下，喺銅鑼灣收工太多人，所以同老婆去咗灣仔搵好嘢食，行行下唔覺意發現咗呢間唔太顯眼嘅日式餐廳，喺門口睇meun見個2人set都唔算貴，所以就入去試下。可能呢條街真係好少人行，所以舖內都唔係好多人，唔駛等位，舖頭細細，有5、6張4人枱，枱與枱之間空間尚算足夠。再睇完一次個meun，最後都係食返個set，再加兩件鹽燒三文魚鮨。首先嚟到係一個吞拿魚沙律，佢用嘅係好似罐頭果啲吞拿魚，但整個沙律味道其實唔差，如果可以用新鮮吞拿魚嚟做就更加好！之後就到散叫嘅鹽燒三文魚鮨，.$15/pc，我同老婆都好鍾意食燒三文魚鮨，貪佢夠滑夠膠，好多其他地方食嘅都會連埋果塊肉，但其實好易燒揩唔好食，而呢件燒三文魚鮨就細細件冇連埋鮨後面果大塊肉，燒嘅火喉亦啱啱好，味道好好！炸蝦飯卷，隻蝦炸到好脆，都算幾好味。雜錦刺身，有特大牡丹蝦、三文魚、油甘魚同海膽，三文魚同油甘魚都好肥美好新鮮，海膽入口即溶，新鮮唔腥，唔似係平價貨，而且有兩大片，好滿足。呢舊牛冇記錯應該係燒和牛，牛肉味濃，可惜熟咗少少，有少少晒咗舊靚肉。豬軟骨手打烏冬，成晚最差算係呢個，烏冬有咬口，豬軟骨夠入味，本身應
可能呢條街真係好少人行，所以舖內都唔係好多人，唔駛等位，舖頭細細，有5、6張4人枱，枱與枱之間空間尚算足夠。再睇完一次個meun，最後都係食返個set，再加兩件鹽燒三文魚鮨。
首先嚟到係一個吞拿魚沙律，佢用嘅係好似罐頭果啲吞拿魚，但整個沙律味道其實唔差，如果可以用新鮮吞拿魚嚟做就更加好！
之後就到散叫嘅鹽燒三文魚鮨，.$15/pc，我同老婆都好鍾意食燒三文魚鮨，貪佢夠滑夠膠，好多其他地方食嘅都會連埋果塊肉，但其實好易燒揩唔好食，而呢件燒三文魚鮨就細細件冇連埋鮨後面果大塊肉，燒嘅火喉亦啱啱好，味道好好！
炸蝦飯卷，隻蝦炸到好脆，都算幾好味。
雜錦刺身，有特大牡丹蝦、三文魚、油甘魚同海膽，三文魚同油甘魚都好肥美好新鮮，海膽入口即溶，新鮮唔腥，唔似係平價貨，而且有兩大片，好滿足。
呢舊牛冇記錯應該係燒和牛，牛肉味濃，可惜熟咗少少，有少少晒咗舊靚肉。
豬軟骨手打烏冬，成晚最差算係呢個，烏冬有咬口，豬軟骨夠入味，本身應該唔錯，但可惜啲湯好咸，我要叫個侍應俾杯熱水我加落去先可以食........
最後到呢件紅豆黃豆糯米滋，叫做明月卷，睇個樣估唔到咁好味，有驚喜！總結今餐算係唔錯，$288呢個set亦算抵食，只係舊牛同個烏冬湯扣咗分，會再幫襯！
Post
