Video
5-min walk from Exit B2, Wan Chai MTR Station
continue reading
Telephone
2861 1298
Payment Methods
Above information is for reference only. Please check details with the restaurant.
位於灣仔廈門街既魚八日本料理,門面唔算大,外表相當樸實,毫不起眼,係灣仔返工既我平時都會經過,但冇入去,趁今日星期五happy firday,我一個人行入去幫襯下,試下好唔好食先初初以為佢好細間舖,得一張長bar枱,原來佢入面仲有位架,仲好似有兩層,長bar枱上面放滿各式各樣既日本清酒,店入面播放日本音樂,環境簡約舒適,好似去左日本咁！侍應亦好有禮貌帶我入座點左一個鰻魚飯午餐再追加蟹籽沙律,首先端上枱既係麵豉湯,湯底唔錯幾好味,等左5分鐘左右,侍應再拎左個小小既黑色餐盒上黎,原來係鰻魚飯,真係好驚喜,鰻魚燒得幾好味,油脂分佈均勻,有小小焦香,送飯一流由於為個盒其實好細,份量未必滿足大食既朋友仔,不過條鰻魚確實幾大條同肥美,又冇乜骨食埋蟹籽沙律同甜品（一口紅豆雪米磁）,剛好1點,即刻叫埋單！因為1點前埋單有85折,呢餐食左約120蚊,算係值回票價！總括而言,魚八係一間充滿日本風味既隱世小店,值得一試
continue reading
今日天氣麻麻，又落雨了。雖然落雨，但無阻我的心情，因為過二日我就放假去旅行，心情好靚。二位同事提早同我慶生，我就決定左嚟呢間魚八日本料理餐廳，由公司行到廈門街大約10分鐘，我地己訂左枱，但是仲要等5分鐘。記得前一年前，我有幚襯過魚八日本料理，發覺呢間餐廳，將條樓梯整靚左，經過裝修後，的確環境好左，但是令本人有點失望，以前menu很多choices,而家只有很少lunch set可選擇。以前有送沙律，而家要前菜要加錢，甘都算啦，以前有雪米糍，而家甜品只是不過不失的紅豆糯米糍。仲有以上會送上綠茶，而家只是一杯白開水，相比之下，服務和食物質素下降左。
continue reading
是日約了中同在灣仔吃午飯，之前有朋友強烈推介魚八，所以就訂了位子，試試看！一進門，侍應先端上熱茶和麵矢湯！！我地就慢慢看餐牌，餐牌設計蠻有趣的，像Matric，不過是非常有效和清晰的表達了不同菜式和價格！ 麵矢湯 － 不錯，有香菇和菜三色刺身 － 三文魚，油甘魚和蝦，全非常新鮮。尤其是油甘魚，不新鮮的油甘魚通常非常腥。。。這油甘魚吃到的是甘甜！！鰻魚飯 － 飯是珍珠米，鰻魚是日式烤法，厚身，油香漫溢！非常滿足！侍應上菜和倒茶都非常勤快！唯一美中不足的是他們店門比較小，有點像日式民房，兩層，所以環境比較擠。買單105，有這種質素，非常推介！一定會再來！！！
continue reading
開咗個Acc已經有一段日子，一直都未肯寫第一篇食評。今日適逢本人既牛一，就為「魚八」作為我寫食評既開始啦。是日公眾假期加上本人既生日， 我哋兩個人去完主題公園玩咗一整日已經身心疲累。第一年同男朋友慶祝生日，平時我哋都鐘意四圍食好野，今次佢帶我到灣仔呢間日式料理慶祝。哈哈....我哋之前無訂位，都怕要等位，點知8：20左右去到只有一枱喺到用膳。唔洗等位，立即安排入坐，實在太好啦！！入面裝修好有日本feel, 坐底之後立即睇睇餐牌，有2人餐而且價錢比散叫還要平， 啲野食都啱我哋食，所以叫咗個2人餐試試先....嘻嘻....頭盤係芝士雞肉沙律，雖然食唔到芝士味但雞肉好嫩滑，仲有少少胡椒味配上沙律醬同菜，味道幾唔錯！！呢道既侍應好細心，一面留意我哋食野既進度，等我哋差不多食完先上下一度菜。唔會放到成枱滿晒或者未食得切而令食物變凍，真係值得一讚！！第二道菜係刺身併盤，5種刺身（帶子、三文魚、劍魚腩、八爪魚、油甘魚），肉質新鮮而且鮮甜第三道菜係海膽花之戀壽司，用咗好多塊三文魚刺身包住舊飯，咬落唔會散開。正！！第四道菜係網燒牛扒，我覺得味道略為咸咗啲，牛肉軔咗少少，如果可以配白飯就一流。第五道菜係生薑汁豚肉鍋飯，呢鍋飯一放喺我哋已經知道食唔晒，先講講味道，薑味唔太重，豚肉唔鞋，都幾好味。我哋最後食咗1/3，為咗唔浪費食物，食淨咗就拎走～最後，仲有甜品，一人一件糯米糍， 唔似出面有啲日本餐廳俾兩粒雪米糍就算。至於糯米糍皮薄而且煙煙軔軔配上紅豆加綠蓉欿，唔太甜。好少地方可以食到呢種質素！！
continue reading
魚8 既裝修好有日本既感覺, 好似係日本D 居酒屋咁, 放工去食唔洗排隊好感動.燒雞泡魚干好好味,仲配埋沙律, 好抵食.燒三文魚飯團, 表面既飯做到飯焦口感, 但我覺得有D硬, 而且飯太多, 三文魚太少, 所以唔太夠三文魚味. 鰻魚煎蛋卷好味, 又係跟埋沙律, 冇咁肥膩, 一碟有2樣野試都好抵食. 三文魚剌身係面前即切, 好新鮮. 叫左5,6碟野食都唔算好貴, 放工黎輕鬆下都幾好又有得飲下酒.
continue reading