Video
Read full review
2022-10-02
1352 views
又嚟朝拜！呢間壽司店來過幾次，每次都排長龍，今日星期六午市竟然無乜人，唔通日本通關大家留肚飛去日本食？店有兩層，主要係2人或4人枱，好快有位，用QR code 點餐，食物上得快。炸雞軟骨粒（$45）每次必食！炸得鬆脆唔油膩，點埋沙律醬，超好味，而且分量都幾多，感覺食極都仲有，好抵食！炸蝦天婦羅（$48）炸得鬆脆唔油膩，唔錯！火炙壽司（逐件計）入口即溶，睇得出用心制作 ，留意有部分壽司係一件件計，價錢會貴啲。牛油果軟殼蟹卷（$45）好好味，感覺健康，最滿意係好多蟹虸。滑蛋吉列豬扒飯（$62）有啲失色，洋蔥偏多，豬扒冇乜口感，又淋又濕，可能同蛋汁有關，飯都濕濕地，乾身啲會好味啲。 雜錦魚生沙律（$48）有好多種刺身，性價比高，醬汁分開上，自己想落幾多就幾多。油甘魚腩刺身（$68）魚肉肥美鮮嫩，簡直完美！值得注意：Wasabi只係跟刺身上，點其他壽司只提供豉油，食得冇咁爽。建議服務可以做好啲，我隨身物品較多，又要照顧小孩，唔小心推跌另一餐檯嘅櫈，身邊嘅年輕服務員企喺度冇反應望住我，我一邊執番起張凳，佢只顧心急問我幾多位，有少少影響用餐心情。
呢間壽司店來過幾次，每次都排長龍，今日星期六午市竟然無乜人，唔通日本通關大家留肚飛去日本食？店有兩層，主要係2人或4人枱，好快有位，用QR code 點餐，食物上得快。
炸雞軟骨粒（$45）每次必食！炸得鬆脆唔油膩，點埋沙律醬，超好味，而且分量都幾多，感覺食極都仲有，好抵食！
炸雞軟骨粒
34 views
0 likes
0 comments
炸得鬆脆唔油膩，唔錯！
火炙壽司（逐件計）入口即溶，睇得出用心制作 ，留意有部分壽司係一件件計，價錢會貴啲。
牛油果軟殼蟹卷（$45）好好味，感覺健康，最滿意係好多蟹虸。
牛油果軟殼蟹卷
32 views
0 likes
0 comments
有啲失色，洋蔥偏多，豬扒冇乜口感，又淋又濕，可能同蛋汁有關，飯都濕濕地，乾身啲會好味啲。
雜錦魚生沙律（$48）有好多種刺身，性價比高，醬汁分開上，自己想落幾多就幾多。
油甘魚腩刺身（$68）魚肉肥美鮮嫩，簡直完美！
值得注意：
Wasabi只係跟刺身上，點其他壽司只提供豉油，食得冇咁爽。
建議服務可以做好啲，我隨身物品較多，又要照顧小孩，唔小心推跌另一餐檯嘅櫈，身邊嘅年輕服務員企喺度冇反應望住我，我一邊執番起張凳，佢只顧心急問我幾多位，有少少影響用餐心情。
Post
