Video
Read full review
2017-11-05
1102 views
對上一次去金田家已經係整整一年前嘅事，係金田家嘅銅鑼灣店，如今登龍街嘅拉麵店執完一間又一間，反而有兩家愈開愈多分店，其中一家就係金田家了。由港島區開到元朗、紅磡，對於作為新界西嘅我，都算係一個好消息，起碼多一個選擇。選址元朗嘅新商場形點，呢個商場只有一家拉麵店，自然生意都唔錯。週六黎到，都稍後一會先有位入座，幸好本來食拉麵就同食快餐無異，如果同行冇小朋友嘅話，食碗麵不花太多時間，所以即使要等位，都唔會花太多時間拉麵店裝潢簡約，以木枱木櫈為主，有數個吧頭位置，中間係一張長枱，其餘係細枱。頭頂掛上簡單吊燈，跟餐廳環境很搭，門口一個很大嘅金田家logo，曾經喺討論區見過有人話喺福崗見過店主本人，話真人有型好多呢。原來佢地17年被日本飲食網站評為「最佳福崗拉麵店」嘅第一名，希望有機會去到福崗都試試本店嘅拉麵，係咪真係咁出色。餐牌供應拉麵，一共有10款，連同一款為小朋友而設嘅兒童拉麵（剛好坐我對面嘅小朋友點左，真係幾『迷你』）。有豚骨、辛辣、柚子、黑松露、黑蒜拉麵等，定價$78-108，同一般拉麵店差不多。麵嘅硬度可以自選，分四個程度；要唔要蔥都可以自己話事。自由度高有好有唔好，聽過話正宗嘅拉麵
拉麵店裝潢簡約，以木枱木櫈為主，有數個吧頭位置，中間係一張長枱，其餘係細枱。頭頂掛上簡單吊燈，跟餐廳環境很搭，門口一個很大嘅金田家logo，曾經喺討論區見過有人話喺福崗見過店主本人，話真人有型好多呢。原來佢地17年被日本飲食網站評為「最佳福崗拉麵店」嘅第一名，希望有機會去到福崗都試試本店嘅拉麵，係咪真係咁出色。
餐牌供應拉麵，一共有10款，連同一款為小朋友而設嘅兒童拉麵（剛好坐我對面嘅小朋友點左，真係幾『迷你』）。有豚骨、辛辣、柚子、黑松露、黑蒜拉麵等，定價$78-108，同一般拉麵店差不多。麵嘅硬度可以自選，分四個程度；要唔要蔥都可以自己話事。自由度高有好有唔好，聽過話正宗嘅拉麵店未必會俾客人咁多選擇…不過我個人認為係好事，始終各人口味不一，加上好似我唔鐘意食蔥嘅，有得揀當然係走蔥。
拉麵一般係配上腩肉叉燒、粟米、芽菜、紫菜、青蔥等，每款配料都唔一樣，可以參考番餐牌，不過基本上係唔配溏心蛋，需要加錢追加。
另外供應多款小食、甜品，例如餃子、雞塊、沙律、薯餅等，定價$20-$42。呢間拉麵店亦係有收取加一服務費，服務方面不過不失啦。
黑豚拉麵 $98+溏心蛋$14
麵質選「普通」、蔥「正常」，另追加一隻溏心蛋，本身配有黑豚叉燒、木耳、紫菜、青蔥。
豚肉整齊砌好，一共五片，比較薄身，唔會有肥膩感。麵嘅份量頗多，口感略嫌唔係太煙韌。
湯底都有濃厚豬骨味道，唔會太油淋淋，飲落都夠熱，而且稠身。溏心蛋出色，流心度高，煮到半熟剛好
黑豚拉麵
$98
19 views
0 likes
0 comments
黑豚叉燒
12 views
0 likes
0 comments
激辛拉麵 $93+溏心蛋$14
麵質選「普通」、不要蔥，另追加一隻溏心蛋，本身配有香辣碎豬肉、腩肉叉燒、粟米、芽菜、紫菜、青蔥。
激辛拉麵
$93
28 views
0 likes
0 comments
面質類似一蘭那種幼身，我選嘅係正常硬度，如果鐘意爽身，建議選「硬」。
雖然說是激辛，但未至於噴火，個人而言剛好，如果平時食開其他拉麵店嘅「辛」，可能會覺得唔夠辣添，畢竟佢係以肉碎帶出香辣味道，而非辣油。個人都欣賞呢個口味，食過唔少所謂赤拉麵，湯底一陣油，以為喪加辣椒油就營造辣字。金田家嘅激辛拉麵雖然稠身，但唔會好油膩當然啦，比起普通豚骨湯底，都係會鹹少少，有機會要狂飲水的。
腩肉叉燒中規中矩，肥瘦相隔，但比較薄片，口感一般，唔夠滿足。同男朋友意見一樣，最讚係溏心蛋，又流心又滑溜
溏心蛋
$14
19 views
1 likes
0 comments
雅布尼叉燒 $28
叉燒同拉麵中嘅叉燒一樣，肥瘦參半，不過只係燒左面頭一層，底層冇燒過，略為失色，唔夠香口。
雅布尼叉燒
$28
28 views
0 likes
0 comments
雅布尼叉燒
$28
18 views
1 likes
0 comments
橙汁、蘋果汁 $18/杯
橙汁、蘋果汁
$18
18 views
0 likes
0 comments
餐牌：
Post
