稚

Open Now

Now Closed

今日黎開元朗，經過比呢間小小既日本餐廳吸引左就入左去坐低食晚飯。店面雖然細細，但餐廳裏面應有既都有。員工十分之熱情同有禮貌。餐廳環境都係以日式為主題，牆上有好大幅由唔同知名度較高既動漫主角組成既裝飾，播既音樂都係以日文為主。主食我同男朋友分別叫左豚肉生薑燒定食同埋蟹膏蜆肉炒飯。豚肉生薑燒定食，豚肉係用豬頸肉既部位，生薑汁唔會太重薑味，就算唔中意薑味既人都接受到。定食除左主食仲會有兩個前菜，分別係麻醬玉子豆腐同帶子裙邊。另外仲會有碗味噌湯，味噌湯唔會太咸，入面仲有蜆肉添！蟹膏蜆肉炒飯，上菜時仲熱騰騰冒緊煙，上面既木魚絲仲會因為熱氣而不斷收縮。味道食落有淡淡既蟹膏同日本醬油既味，裏面有好多蜆肉同粟米粒，十分足料。小食分別叫左雞軟骨串燒同雞泡魚乾。雞軟骨唔會燒到太硬，十分香脆。雞泡魚乾原本就甜甜地，再配上沙律醬食落酸酸甜甜。十分好食。