Video
Read full review
2022-12-10
40 views
喺元朗有間人氣好高嘅日本餐廳壽司源，佢哋嘅廚師發辦CP值好高，呢次專登入去試一下先。三款前菜： 蘿蔔：味道清淡，口感清爽。鮟鱇魚肝：魚肝味道鮮甜，口感綿滑，上面仲有啫喱，令味道更豐富。秋刀魚卷 ：秋刀魚做成魚卷，魚肉肥美。野生真鯛：係一款味道較清淡嘅魚，所以師傅用咗較濃味嘅辣蘿蔔蓉、紫蘇花同埋自家製嘅酸汁，帶出魚肉嘅鮮甜味。帶子：嚟自北海道嘅帶子，大大粒，味道鮮甜，師傳拍一拍帶子可以激活細胞，令口感變得更加好。北海道春魚：魚肉肥美，用咗禾稈草嚟做煙燻，逼出油脂嘅香味之外，仲增添禾稈草獨特嘅味道，師傅仲配埋醃酸咗嘅洋蔥一齊食，令口感味道都變得更豐富。柔煮八爪魚：師傅用咗兩個小時為八爪魚鬚按摩同埋慢煮，先可以將八爪魚鬚煮得咁軟腍，又夠入味。鰤魚：嚟自北海道，又可以稱為油甘魚，魚油脂較高，口感嫩滑。深海池魚：用嘅係魚腩位置，入口較爽口，魚味較濃。池魚：魚肉肉質較細嫩，師傅仲加配埋同油份較重嘅魚好夾嘅香蔥，可以提升魚肉嘅味道。蜆湯 ：蜆肉鮮甜，加埋春菊等配料，令湯好清新，可以有效清一清口腔。慢煮北海道鮟鱇魚肝：魚肝經過慢煮，口感變得較綿密，入口即溶，味道鮮甜。鮟鱇魚煮物：魚湯好清甜，魚肉滑嫩，
喺元朗有間人氣好高嘅日本餐廳壽司源，佢哋嘅廚師發辦CP值好高，呢次專登入去試一下先。
三款前菜：
蘿蔔：味道清淡，口感清爽。
鮟鱇魚肝：魚肝味道鮮甜，口感綿滑，上面仲有啫喱，令味道更豐富。
秋刀魚卷 ：秋刀魚做成魚卷，魚肉肥美。
野生真鯛：係一款味道較清淡嘅魚，所以師傅用咗較濃味嘅辣蘿蔔蓉、紫蘇花同埋自家製嘅酸汁，帶出魚肉嘅鮮甜味。
帶子：嚟自北海道嘅帶子，大大粒，味道鮮甜，師傳拍一拍帶子可以激活細胞，令口感變得更加好。
北海道春魚：魚肉肥美，用咗禾稈草嚟做煙燻，逼出油脂嘅香味之外，仲增添禾稈草獨特嘅味道，師傅仲配埋醃酸咗嘅洋蔥一齊食，令口感味道都變得更豐富。
柔煮八爪魚：師傅用咗兩個小時為八爪魚鬚按摩同埋慢煮，先可以將八爪魚鬚煮得咁軟腍，又夠入味。
鰤魚：嚟自北海道，又可以稱為油甘魚，魚油脂較高，口感嫩滑。
深海池魚：用嘅係魚腩位置，入口較爽口，魚味較濃。
池魚：魚肉肉質較細嫩，師傅仲加配埋同油份較重嘅魚好夾嘅香蔥，可以提升魚肉嘅味道。
蜆湯 ：蜆肉鮮甜，加埋春菊等配料，令湯好清新，可以有效清一清口腔。
慢煮北海道鮟鱇魚肝：魚肝經過慢煮，口感變得較綿密，入口即溶，味道鮮甜。
鮟鱇魚煮物：魚湯好清甜，魚肉滑嫩，仲有娃娃菜可以索哂湯，更滋味。
縞蝦 ：縞有一間間意思，所以蝦身有一間間，佢亦係三大名蝦之一，師傅會將蝦膏輕輕火炙，而佢哋嘅蝦子帶有濃郁嘅海水味，配埋爽口嘅蝦肉一齊食，鮮甜味更加濃。
梭子魚：經過火炙逼出多餘嘅魚油，食落更甘香，配埋醬油提鮮就更好味。
中拖：嚟自長崎嘅中拖，師傅將其熟成處理咗7日，令魚肉微微脫水，使精華風味更加濃縮，肉質亦會更軟嫩，有入口即化嘅效果。
馬糞海膽：嚟自北海道嘅馬糞海膽，味道甘甜，鮮味無比，口感細嫩。
手卷：呢個手卷用料豐富，夠哂鮮味，有大量新鮮嘅吞拿魚蓉，配埋自家製嘅三文魚籽，口感好豐富。
麵豉湯：正常發揮
甜品：紅豆湯加埋蜜瓜，紅豆湯甜度適中，蜜瓜用嚟自好有名嘅靜崗，清甜多汁，有效減低整餐飯所帶嘅油膩感。
Post
