Video
Read full review
2020-08-18
101 views
過咗咁多日係屋企嘅日子，今日落左屋企附近嘅元朗yoho行街購物，順便入返啲日用品。我就選擇咗呢間日本餐廳，聽講佢嘅宮崎牛肉同埋宮崎豚肉都幾出名～由於疫情及限聚令嘅關係，餐廳都好細心咁圍咗膠板，分隔每張枱，等食客食得更安心。我叫咗一份ABURI-EN 豚肉丼，套餐入面有沙律同麵豉湯。沙律酸酸甜甜非常開胃，分量剛剛好。麵豉湯味道亦都冇過鹹，好啱我口味。餐廳名為炙宴，我相信豚肉都係有炙燒過，睇落已經相當焦脆。咬落去非常可口，豬肉嘅香味濃郁，質感軟稔，即使係燒過亦都唔會太過乾，火候、調味各樣都控制得剛剛好，用嚟送飯真係一流。食到最後見到隔離枱叫咗好吸引嘅雪糕，令我都忍唔住叫返一份甜品。Fruit Sherbet有三款口味，有椰子、桃味同埋柚子。我同朋友叫咗兩款水果味道嘅sherbet, 味道都唔錯喎，有真實嘅水果香甜味一啲都唔假，食落好似冇咁有罪惡咁哈哈！
由於疫情及限聚令嘅關係，餐廳都好細心咁圍咗膠板，分隔每張枱，等食客食得更安心。
我叫咗一份ABURI-EN 豚肉丼，套餐入面有沙律同麵豉湯。沙律酸酸甜甜非常開胃，分量剛剛好。麵豉湯味道亦都冇過鹹，好啱我口味。
餐廳名為炙宴，我相信豚肉都係有炙燒過，睇落已經相當焦脆。咬落去非常可口，豬肉嘅香味濃郁，質感軟稔，即使係燒過亦都唔會太過乾，火候、調味各樣都控制得剛剛好，用嚟送飯真係一流。
食到最後見到隔離枱叫咗好吸引嘅雪糕，令我都忍唔住叫返一份甜品。Fruit Sherbet有三款口味，有椰子、桃味同埋柚子。我同朋友叫咗兩款水果味道嘅sherbet, 味道都唔錯喎，有真實嘅水果香甜味一啲都唔假，食落好似冇咁有罪惡咁哈哈！
8 views
0 likes
0 comments
3 views
0 likes
0 comments
6 views
0 likes
0 comments
Post
