鋒哥廚房

Open Now

Now Closed

今日番工前仲有時間，緊係食個靚早餐先去番工。屋企附近呢間餐廳裝修簡單，但坐得又幾舒服。我叫佐一個脆香雞扒配三角薯餅珍寶牛角包+ 煎蛋+輕量級火腿通粉，配埋熱奶茶，絕對元氣滿滿！早餐都好足料，雞扒大大塊，幾厚，煎到好脆，皮脆肉嫩，切開仲有肉汁添，牛角包都焗得好酥脆，薯餅亦夠晒脆，咬落索索聲，煎蛋係完美既太陽蛋，蛋黃一篤就流晒出黎，蛋香十足，仲有半個蕃茄，認真豐富🥐🍳另外火腿通雖然話係輕量，但份量絕對唔少，味道亦香香的，食埋真係夠晒飽肚🫕早餐配合既熱奶茶同樣好飲，奶茶既茶香奶香配合得好好，茶香味十足，奶味亦濃，唔會太甜，食完早餐飲道就真係岩岩好☕️