文華扒房及酒吧

Open Now

Now Closed

今晚適逢朋友生日，朋友好想食扒，所以特別挑選文華東方酒店既扒房試下。入到餐廳，環境充滿情調，暗暗既燈光，好有氣氛。餐廳有提供法式麵包，伴牛油一齊食的，不過本人對法包一向不太感興趣，所以衹係食左一小片，味道算不錯。龍蝦湯呢個湯龍蝦味好濃，非常creamy, 而且仲有啖啖既龍蝦肉係湯入面，好有驚喜!!~Porterhouse steak medium rare (32 oz)呢個扒份量真係不少，建議4至7人一齊share都可以，牛扒餐廳建議用medium rare，上到枱並沒有over cooked, 烤得剛剛好，牛扒既牛肉味不錯，但感覺不夠juicy, 如果再juicy d會更完美。我地仲叫左幾個side dishes, 其中露筍同菠菜都不錯，可以一試。龍蝦餐廳介紹左個龍蝦比我地，呢個龍蝦份量好多，味道好濃郁，入口又係啖啖肉，非常值得一試。酥皮焗牛柳呢個牛柳上枱熱辣辣，酥皮沒有過厚，牛油味濃，牛柳反而有驚喜，好淋但不失牛味，非常有水準。餐廳既服務好好，服務員細心介紹每一道菜，亦keep 住為我們加酒加水，絕對係5星級既水準。