百樂潮州酒樓 (希慎道) (Closed)

銅鑼灣百樂門開業已經有幾廿年，地點依舊，根據老爺話早卅幾年前係相當出名及高檔既食店，唔識潮洲話係唔會招呼你的(呢點有待考究)，今晚同老爺老媽舊地重食，我都係第一次黎食入到黎人頭湧湧，爆棚！還顧四周不乏紳士淑女，果然夠哂魅力，坐低左之後侍應先奉上一盆功夫茶，呢杯茶相當之香相當之好飲，我亦都冒著訓唔著既危險多飲幾杯，則跟既小食亦都相當美味，尤其係豆卜菜甫那味，食到唔停得口先黎一碟鵝片，鵝肉相當之腍，夠哂入味而且起哂骨，細細咀嚼佢地鹵水汁既味道有別於其他食肆，不是太咸，花椒八角既味道比較重，底層舖上滑滑既炸豆腐。𧐢仔餅，厚薄適中沒有加多餘既粉漿，𧐢仔鮮甜也夠份量，煎得香香的，加上莞茜獨特既香味，相當美味。至於呢味爆鷄球就比較遜色，鷄球沒有味道，味道很淡，則跟的炸紫蘇葉也是沒有味道，整碟餸是沒有味道的。沙爹牛肉抄河，必食！沙爹味濃，河粉抄得很腍而且索哂沙爹汁，除了牛肉底面還有抄蛋，抄蛋配上沙爹既味道原來係咁好食架喎最後甜品芋泥，份量十足夠哂甜，但食落味道我覺得似蓮蓉多過芋頭。很飽了，只食了一半。