坡椰坡囉咪

Open Now

Now Closed

焗農夫咖喱包(新加坡咖喱配牛腩) 單點HK$90呢個好推薦，一上菜已經感受到咖哩香氣，擺盤好靚，份量都幾大下。個包超香脆搽了牛油烤的，包內藏左好多咖哩牛腩，D包沾滿了香濃咖哩，超級美味。牛腩肉質軟腍，夾包超好味。咖喱可自選要新加坡咖喱或者印度蕃茄咖喱，我地叫左普通咖哩，唔會太辣而係岩岩好惹味。海南雞飯套餐$73一個餐有晒菜同湯，好健康! 加8蚊轉左脾位，海南雞好嫩，岩岩好，加埋油飯啖啖香，食完個餐真係好滿足。蘿蔔瘦肉湯好清甜多料。沙嗲串燒 (半打)$84叫左甘一半豬一半雞，超有風味既沙嗲，甜甜地又有D香茅味，每串都非常juicy! 見menu好多特色飲品，叫左爆泡拉茶，一上真係流緊泡泡，好搞笑，比較甜，但幾好飲，有D茶味。見到台台都嗌，我地都唔執輸。美祿恐龍，舖面勁多美祿粉，沾住D綿花糖好好味，成杯好濃，好邪惡。呢度坐得舒服，最正係唔洗加一，可以嘆多幾種唔同既野食。