Video
Read full review
2022-10-05
711 views
📌 鼎尚燒鵝湯館📍 山頂山頂道118號山頂廣場1樓107號舖☎️ 23862369★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*山頂䌫車🚃終於番嚟啦！呢日同好友試搭新纜車，果種坐新車嘅興奮感覺好似番去童年咁。由即日至十月尾車費有優惠，來回只需$66。之後就收原價㗎啦！去山頂梗係要食埋飯睇夜景🌃啦！山頂廣場一上扶手電梯已經見大大個鼎爺企咗喺度，我同朋友見到燉湯亦都兩眼發光🤩，加埋鼎爺呢個信心嘅保證，就扑鎚食呢間啦！餐廳裝潢走七八十年代香港風情，背景音樂襯番成個懷舊情懷。呢餐飯由一個古董港式暖水壺揭開序幕，打咭啱晒。我地叫咗二人套餐（$388）💫醬皇燒鵝例牌好一陣炭爐燒嘅香氣，鵝皮色澤光亮而酥脆，入口鵝味濃郁，好有肉汁，質感滑嫩扎實，無乜肥膏，鵝油香在口腔四溢。送🍚飯一絕！💫單拼燒味例牌燒味可揀叉燒、燒腩仔、油雞、切雞、燻蹄，可以加$50轉乳豬或者加$90轉鵝脾。我地揀咗叉燒。火喉十足，叉燒半肥瘦加少許燶邊，焦香味突出，外面有蜜汁包住，味道甜而不膩，口感鬆軟，嫩滑多汁。💫粉葛鯪魚赤小豆湯秋意起，燉湯啱晒中女補身，我地嗌咗兩款唔同嘅燉湯
📍 山頂山頂道118號山頂廣場1樓107號舖
☎️ 23862369
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
山頂䌫車🚃終於番嚟啦！呢日同好友試搭新纜車，果種坐新車嘅興奮感覺好似番去童年咁。由即日至十月尾車費有優惠，來回只需$66。之後就收原價㗎啦！
去山頂梗係要食埋飯睇夜景🌃啦！山頂廣場一上扶手電梯已經見大大個鼎爺企咗喺度，我同朋友見到燉湯亦都兩眼發光🤩，加埋鼎爺呢個信心嘅保證，就扑鎚食呢間啦！
餐廳裝潢走七八十年代香港風情，背景音樂襯番成個懷舊情懷。呢餐飯由一個古董港式暖水壺揭開序幕，打咭啱晒。
我地叫咗二人套餐（$388）
💫醬皇燒鵝例牌
好一陣炭爐燒嘅香氣，鵝皮色澤光亮而酥脆，入口鵝味濃郁，好有肉汁，質感滑嫩扎實，無乜肥膏，鵝油香在口腔四溢。送🍚飯一絕！
💫單拼燒味例牌
燒味可揀叉燒、燒腩仔、油雞、切雞、燻蹄，可以加$50轉乳豬或者加$90轉鵝脾。
我地揀咗叉燒。火喉十足，叉燒半肥瘦加少許燶邊，焦香味突出，外面有蜜汁包住，味道甜而不膩，口感鬆軟，嫩滑多汁。
💫粉葛鯪魚赤小豆湯
秋意起，燉湯啱晒中女補身，我地嗌咗兩款唔同嘅燉湯。粉葛鯪魚赤小豆清熱下火又生津。粉葛聽聞仲具有抗衰老、降糖、降脂嘅功效添。而赤小豆同鯪魚就有消腫解毒同活血行氣之效。
💫黨參紅棗圓肉養生湯（+$20）
店員話呢個湯對女士好好，益氣補血，大補湯喎。要另加$20 差價。飲落清甜，成身真係暖晒，我地喺山上面雞啄唔斷傾足全晚都無氣喘，睇黎真係好補氣。😂
套餐另附一碟油菜及兩碗白飯，亦可選擇加$10配豬骨湯底瀨粉或米粉。
去到香港其中一個著名地標⛰️，梗係要食香港菜啦！呢餐好滿意，感受到濃濃嘅傳統港式滋味！
🐶餐廳係pet friendly 㗎，用餐當日都見到有兩隻可愛🐶🐶乖乖地坐起度等主人食嘢！有寵物嘅可以帶埋佢地去
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
Post
