Video
Read full review
2022-12-07
83 views
有別於坊間一般嘅Omakase 呢間 山yama 以獨特嘅山林元素為主題並以食材區分 設計咗幾個特色menu由餐廳環境、食物內容以至擺盤畫碟 每樣細節都經由五星級酒店主廚組成嘅團隊精心設計 務求為客人帶嚟最特別嘅Omakase體驗 ******************************【山 YAMA午餐廚師發板】午市嘅Omakase總共分為風、雲、水、山 四大主題就咁聽落都感覺到果種詩情畫意我今次品嚐嘅 山Yama 係由魚、海鮮同蟹元素組成【山 Yama】($788) 組み合わせ：魚／海の幸／蟹✨先付 ※毛蟹柚子半月型餐碟以淺藍色波浪狀線條同啡色彩繪帶出水與山嘅元素因毛蟹短缺 餐廳以由日本直送嘅新鮮松葉蟹代替🦀 師傅將其剥殼後 再將蟹肉搓成球狀蟹肉味道鮮甜 仲有好多蟹膏喺面上蟹腳上附上青柚子 吱少少落去 食落更加開胃😝※ 日本產蠔雪見啫喱令和の怪物 特大原隻生蠔肉質肥美飽滿 入口帶豐富嘅礦物味道加幾滴新鮮檸檬汁 將生蠔嘅甘甜味帶出 師傅特設柚子啫喱 將佢一啖啪入口成個組合配搭 教人回味無窮✨お造り※鮪腹三點用黑色石碗裝住 開蓋時個畫面非常有仙氣🧚♀️依次序品嚐 首先係赤身 上面有
呢間 山yama 以獨特嘅山林元素為主題
並以食材區分 設計咗幾個特色menu
由餐廳環境、食物內容以至擺盤畫碟
每樣細節都經由五星級酒店主廚組成嘅團隊精心設計
務求為客人帶嚟最特別嘅Omakase體驗
******************************
【山 YAMA午餐廚師發板】
午市嘅Omakase總共分為風、雲、水、山 四大主題
就咁聽落都感覺到果種詩情畫意
我今次品嚐嘅 山Yama 係由魚、海鮮同蟹元素組成
【山 Yama】($788)
組み合わせ：魚／海の幸／蟹
✨先付
※毛蟹柚子
半月型餐碟以淺藍色波浪狀線條同啡色彩繪帶出水與山嘅元素
因毛蟹短缺 餐廳以由日本直送嘅新鮮松葉蟹代替🦀
師傅將其剥殼後 再將蟹肉搓成球狀
蟹肉味道鮮甜 仲有好多蟹膏喺面上
蟹腳上附上青柚子 吱少少落去 食落更加開胃😝
毛蟹柚子
8 views
0 likes
0 comments
※ 日本產蠔雪見啫喱
令和の怪物 特大原隻生蠔
肉質肥美飽滿 入口帶豐富嘅礦物味道
加幾滴新鮮檸檬汁 將生蠔嘅甘甜味帶出
師傅特設柚子啫喱 將佢一啖啪入口
成個組合配搭 教人回味無窮
日本產蠔雪見啫喱
9 views
1 likes
0 comments
✨お造り
※鮪腹三點
用黑色石碗裝住 開蓋時個畫面非常有仙氣🧚♀️
依次序品嚐 首先係赤身
上面有啲蟹籽 令鮮甜味釣返出黎
跟住再食大拖羅 大拖油分較為豐富 筋位相對較多
最後食嘅中拖羅幾乎無筋 猶如入口即溶
鮪腹三點
4 views
1 likes
0 comments
✨蒸物
※帆立貝真薯茶碗蒸
茶碗蒸蒸得好滑 調味亦較得非常好😋
最特別之處係師傅前後會籤蒸兩次
材料除咗有鮮冬菇同魚蛋 仲加咗柚子皮 令成個口感唔同晒
面層淋上鰹魚汁 底下有燒過嘅帆立貝同珊瑚配搭蒸蛋
珊瑚食落有少少似薯仔嘅口感 味道酸酸地
食嘅時候要三層一齊食 口感會更豐富更有層次感
帆立貝真薯茶碗蒸
12 views
0 likes
0 comments
✨強肴
※ 燒虎蝦配海膽忌廉汁伴米通
大大隻嘅虎蝦用明火燒過後非常香口兼帶點焦香味🦐
上面仲有啲唐辛子絲襯托
配上師傅以北海道海膽特別調製嘅海膽忌廉汁
味道香濃 份外惹味
伴碟有略烤過嘅脆米通 食落爽脆
擺盤上亦見心思 呢碟係色彩豐富嘅一碟
配上紅楓葉同麥穗裝飾 有秋天嘅感覺呢🍁
燒虎蝦配海膽忌廉汁伴米通
10 views
0 likes
0 comments
✨すし
※ 精選壽司８貫 小卷１條
由師傅精心配搭嘅壽司8貫
包括有鯛魚、池魚、赤綠、明太子白蝦、象拔邦、新鮮北寄貝 、平政
全部食材皆由日本直送 用料上乘
池魚食落有油香味
新鮮北寄貝食落鮮甜爽口
象拔蚌同明太子白蝦就夠爽口彈牙👍🏻
壽司上面有柚子皮同青檸調味 感覺清新💕
而象拔蚌小卷方面 師父已預先較好咗個醬汁 唔洗額外點汁
精選壽司８貫 小卷１條
9 views
0 likes
0 comments
象拔蚌小卷
1 views
0 likes
0 comments
※ 味噌汁 新香物
味噌湯採用薑絲、海帶
最近天氣轉涼 服用薑有助令身體和暖
更可以化解對上一道菜帶來膩嘅感覺
味噌汁
7 views
0 likes
0 comments
✨甘味
※ 和風鮮果雪糕拿破崙
金黃色嘅拿破崙伴以啡色線條 帶出「山」嘅感覺⛰️
由合作伙伴 @nekopuff 冠軍甜品師打造
自家製拿破崙食落非常酥脆香口
中層夾滿椰子雪糕 椰香味十足 非常滋味👅
亦為這次山系廚師發版體驗完美作結
和風鮮果雪糕拿破崙
11 views
0 likes
0 comments
✨咖啡／茶
******************************
環境：
其實一開始我係比個環境吸引咗先 呢度真係好啱打卡
大愛日系山林風格嘅裝潢設計🏔️ 🌴
餐廳以木色同白色為主調 感覺柔和舒適
環境非常闊落 採光度高 空間感大
******************************
小結：
無論環境、食物定擺盤 山YAMA 都緊扣「山林｣ 主題
令注重細節嘅我深感滿意💕
廚房環境乾淨企理 望住師傅認真整食物
果份對食物既追求 係一種尊重亦係一種藝術
Post
