Video
Read full review
2017-05-07
1153 views
係鄉下玩完幾日，趁假期最後一日趕返香港由中午搭車搭到夜晚。仲要買錯左係元朗落車，所以拿拿臨揾野食醫肚之後搭西鐵返屋企。因為係鄉下都係食串燒同打冷野多，所以同朋友都決定打個邊爐暖下胃。未入門口真係以為呢度主打邊爐，點知坐低先知係主食牛肉嘅火鍋店。但實在肚餓同大家都係愛牛人士，所以無問題啦。橫掂食牛，所以湯底揀埋牛雜底。個味係粉麵店嘅清湯腩味，入面材料都幾豐富牛胃、牛腸、牛肝、牛肺等都有齊。牛肉併盤，牛嘅每個部位都有仲要係跟住張牛肉圖黎擺盤，所以可以根據鐘意食邊部分黎落柯打。同埋呢度整體牛肉嘅牛脂唔會好多，係偏瘦同應該係本地牛肉來的，牛肉味幾出眾。要落柯打，用部pad黎點就可以了。唔使劃紙夠環保。牛胸同牛腿係本人覺得最好食的，因為佢兩款都係屬於有咬勁同最有牛味嘅部位。同埋佢地都切得大件，所以口感好足夠。食左一陣之後見隔離枱有個筲箕嘅物體，所以我地都叫店員俾一個我地。即刻方便左幾十倍。只要將啲牛肉丟晒落去，灼佢一陣就可以成批撈起了。牛腩心同牛腱肉係朋友鐘意食的，口感偏向屬於軟腍同平時打邊爐嘅肥牛差唔多。呢三款一個係牛骨髓，牛栢葉同埋另一個唔知係咩了。呢三樣本身係接近無味道的，必須要靠醬料黎加
未入門口真係以為呢度主打邊爐，點知坐低先知係主食牛肉嘅火鍋店。但實在肚餓同大家都係愛牛人士，所以無問題啦。
橫掂食牛，所以湯底揀埋牛雜底。個味係粉麵店嘅清湯腩味，入面材料都幾豐富牛胃、牛腸、牛肝、牛肺等都有齊。
牛肉併盤，牛嘅每個部位都有仲要係跟住張牛肉圖黎擺盤，所以可以根據鐘意食邊部分黎落柯打。同埋呢度整體牛肉嘅牛脂唔會好多，係偏瘦同應該係本地牛肉來的，牛肉味幾出眾。
要落柯打，用部pad黎點就可以了。唔使劃紙夠環保。
牛胸同牛腿係本人覺得最好食的，因為佢兩款都係屬於有咬勁同最有牛味嘅部位。同埋佢地都切得大件，所以口感好足夠。
食左一陣之後見隔離枱有個筲箕嘅物體，所以我地都叫店員俾一個我地。即刻方便左幾十倍。
只要將啲牛肉丟晒落去，灼佢一陣就可以成批撈起了。牛腩心同牛腱肉係朋友鐘意食的，口感偏向屬於軟腍同平時打邊爐嘅肥牛差唔多。
呢三款一個係牛骨髓，牛栢葉同埋另一個唔知係咩了。呢三樣本身係接近無味道的，必須要靠醬料黎加味。但食個爽口度就幾唔錯。
不得不提係佢出面個醬料區，有款叫秘製牛汁，嗰個真係完全百搭落啲牛肉度。配埋青柑桔汁，完全解除左牛肉嘅肥膩同飽濟感。
而且淥完個烏冬，攞個牛汁黎配都幾好食。有啲似壽喜燒汁嘅感覺。其實食完啲牛肉同個烏冬大家都飽了，因為個量同牛雜加埋都真係幾多。以三百零蚊一個牛肉套餐黎講都算係咁了。
Post
