津津食家

Open Now

Now Closed

今次唔去拍拖，同個老死兩個麻甩佬去大排檔。兩條友諗住打波前食D好嘢之後先去打波，喺火炭附近book左場，所以就去咗呢一間津津食。老實講兩個麻甩佬去食嘢，環境衛生都唔係考慮之一，味道同食得飽唔飽先係重要。所以喺呢一間大排檔裏邊，環境方面都唔使評論，只能說是大排檔的風味。衛生方面，我覺得都是可以接受的。不過在街邊食嘢真是有一番風味，所以都係值得推介。食物方面，我哋叫咗一隻乳鴿，魚片煲菜，同埋椒鹽九肚魚，係好麻甩嘅選擇。唔講佢哋嘅招牌送乳鴿，我覺得乳鴿炸得好好，香脆得來唔算太油膩，也沒有蓋過乳鴿本身嘅肉味。係呢一度食嘢必食之選。椒鹽九肚魚，我覺得炸得都好好味，咸到適中，配喼汁，送飯一流。而最後魚片菜，係因為我哋食得太多肥膩野減少罪惡咁而叫嘅，同一般嘅魚片菜味道差唔多，冇乜特別。總結如果對環境，衛生冇乜要求，津津都係值得推介嘅，希望佢嘅食物水平能夠保持水準。