Video
Read full review
2024-10-12
217 views
《貓員外精釀酒館 - 中環》過嚟中環飲嘢，好多時一杯酒精飲品冇$100都走唔甩，估唔到中環石板街呢一個熱門位置都會有啤酒任飲咼🤓人均$220就可以free flow任飲呢度自家品牌既手工啤酒同classic cocktail 🍹 中環區黎講真係超抵😎貓員外既精釀啤酒原來都拎過唔少獎項🏆我最喜愛既黑啤係帶有朱古力味架，口感幾滑幾特別，雖然free flow 既優惠啤酒只限選擇罐裝手工啤，但啤酒不經過濾，仲保留到活性酵母既成份，無論質地同味道都拍得住tap beer 既口感👍🏻店內仲有少量小食比你選擇，收左工過黎邊飲邊吹水一流🤓今次我地兩個人就試左六款手工啤酒，口痕仲叫左nuts 同埋香腸拼盤添😉💁🏻♀️花魁茉莉小麥啤酒，淡淡既茉莉花清香，口味比較淡身既啤酒，個人覺得好適合夏天或者比較休閒mood 既時候飲用💁🏻♀️小二社交渾濁IPA啤酒，個名同形容都好搞笑，呢一款店員推介話好多人選擇的，酒精濃度相對無咁高，好適合酒量較淺但又唔喜歡飲太甜啤酒既人飲用💁🏻♀️待郎巧克力帝國世濤啤酒，咁多款之中我最喜歡既其中一款，口感濃滑有餘香，朱古力味道都幾出，但酒精濃度相對較高，可能飲一兩罐就已經會上頭啦
過嚟中環飲嘢，好多時一杯酒精飲品冇$100都走唔甩，估唔到中環石板街呢一個熱門位置都會有啤酒任飲咼🤓人均$220就可以free flow任飲呢度自家品牌既手工啤酒同classic cocktail 🍹 中環區黎講真係超抵😎貓員外既精釀啤酒原來都拎過唔少獎項🏆我最喜愛既黑啤係帶有朱古力味架，口感幾滑幾特別，雖然free flow 既優惠啤酒只限選擇罐裝手工啤，但啤酒不經過濾，仲保留到活性酵母既成份，無論質地同味道都拍得住tap beer 既口感👍🏻店內仲有少量小食比你選擇，收左工過黎邊飲邊吹水一流🤓今次我地兩個人就試左六款手工啤酒，口痕仲叫左nuts 同埋香腸拼盤添😉
💁🏻♀️花魁
茉莉小麥啤酒，淡淡既茉莉花清香，口味比較淡身既啤酒，個人覺得好適合夏天或者比較休閒mood 既時候飲用
💁🏻♀️小二
社交渾濁IPA啤酒，個名同形容都好搞笑，呢一款店員推介話好多人選擇的，酒精濃度相對無咁高，好適合酒量較淺但又唔喜歡飲太甜啤酒既人飲用
💁🏻♀️待郎
巧克力帝國世濤啤酒，咁多款之中我最喜歡既其中一款，口感濃滑有餘香，朱古力味道都幾出，但酒精濃度相對較高，可能飲一兩罐就已經會上頭啦，但作為黑啤黎講佢既味道係十分特別的
💁🏻♀️似曾相識
西岸IPA啤酒，個名好靚叫Déjà vu，呢款啤酒用左好多不同既啤酒花製作，味道上比以上介紹既較為苦少少但飲落薄身，個口味轉變得快，入口同回甘既味道已經係截然不同
💁🏻♀️星仔
三倍乾投渾濁IPA 啤酒，同樣加入多種啤酒花釀製而成，味道帶甘同埋比較苦澀少少🤏不過飲得到不少水果既香氣
💁🏻♀️桃寶
水蜜桃小麥啤酒，偏向重果味既小麥啤，味道爽身又有少少似cider 既感覺，適合喜歡fruity d或者無咁重苦味啤酒既人
因為太喜歡呢款黑啤既關係，走既時候我仲特登抬左六罐番屋企添，而家買6罐或者24罐都有額外既優惠，咁就可以帶番屋企慢慢嘆
Post
