八〇

Open Now

Now Closed

星期三同老公係旺角睇完《奇異博士2: 失控多元宇宙》，搵左間cafe食晚餐。是日餐湯係番茄湯，十分濃稠，番茄味十足，真材實料。沙律菜新鮮。明太子雞翼全日早餐有明太子雞翼、黑糖麻糬窩夫、茄汁焗豆、焦糖香蕉、炸薯波、炒蛋、炒雜菌、凱撒沙律，非常豐富。窩夫好香蛋味，唔係腍晒個種，入面仲有煙韌既黑糖麻糬，明太子雞翼脹卜卜，包住爆餡既明太子，其它都唔錯。俄羅斯烤牛柳闊條麵牛柳有牛味，唔會好韌，闊條麵條條掛滿忌廉汁，好濃味。甘栗天使牛角窩夫賣相吸引，栗子蓉包住雲尼拿雪糕，最底層係熱辣辣既牛角包窩夫，冰火交融，好好食。飲品叫左熱摩卡同凍檸水。