蓮香茶室 (Changed Hand) New Restaurant

易名蓮香茶室 後 幾天 去試下 未去都知係污穢 同埋冇service 但都想知點解可以 屹立中環咁多年。 首先吾明點解亞姐不停掃地個地都咁污穢 d食客咁低文化？ 鍾意扔垃圾落地？ 可能下就去嘅原因，我冇遇到要搶點心嘅情況。講返食物 點左7籠點心 得一碟叫做好食d. 吾好食果 六碟 分別係 叉燒包、棉花雞、鳳爪、南乳豬手、菱魚球 及 糯米雞。碟棉花雞好似食過咁 好細碟 內容寥寥可數 ，碟鳳瓜好奀瘦 吾似得平時食果D 完全冇脹卜卜嘅感覺 顏色好淡完全提唔起食慾，嗰隻糯米雞好似擺咗一日咁，完全塔晒、扁晒冇黎味道，亦唔好食，個叉燒包望落去亦都唔靚，唔夠圓大，比較扁，餡料亦唔夠味、唔香，稍為好食D嘅係 千層糕。