再臨閣

Open Now

Now Closed

假日同屋企人去食自助餐，今次揀咗YMCA再臨閣！地點非常方便，就係尖沙咀站一出就到。景觀就望晒成個尖沙咀景，都望到啲海景架。食物選擇就唔算超級多，不過勝在每款食物都唔錯。對我呢啲食唔到好多嘢嘅人嚟講其實都好夠啦。特別推薦佢嘅燒虎蝦，即燒嘅勁香，隻蝦都夠晒彈牙。另外，凍食方面有龍蝦刺身，油甘魚同三文魚都好甜。仲有芝士焗蠔任食添！最後就係甜品方面，佢竟然有即焗嘅心太軟，一切開流心架，暖笠笠好好味！用埋網上平台 book位每位都係四百幾、超級抵！推薦！