榊原 (亨環‧天后)

Open Now

Now Closed

想試的朋友們最好提前幾日book位，也可叫師傅們預留您們想食的食材。餐廳入面眼見地方唔係好大，可以容納到12-14人吧台位，另有兩間細房，每間容納4人。全部食材由當日餐廳預訂到的材料再由師傅決定我哋食物，當晚有以下兩款廚師發板可供選擇，$1080和$1380。之後師傅按照我們點的套餐去安排食物給我們。另外我哋預訂左一條喜之次，太好味，好耐冇食喇！深海池魚薄切配搭啫哩醋卷埋一齊食，肉質細緻，爽口中帶油份，味道甜美。縞蝦肉質肥美又有彈性，鮮甜猶勝甜蝦。華漣生蠔外殼顏色較白及呈金黃色，別看它外觀細小，開殼後包含的蠔肉相當豐滿，份量重且彈牙香甜，奶油味十足。喜之次好好食，燒過嘅喜之次油脂超香濃，有入口即溶的感覺，口感亦十分滑，證明呢條魚夠曬肥美。抹茶士多啤梨果凍綠茶味香濃，配埋士多啤梨很美味，很治癒。總括而言，這間餐廳除了食材新鮮外，師傅的廚藝也十分不錯，簡單的食材也有高超的演繹方法，下次經過天后區也會找時間再試。