和牛割烹小田

Open Now

Now Closed

第二次來呢間餐廳，今次同男友慶祝紀念日，來食omakase晚餐🥰第一道湯，有住好濃郁嘅香味，味道都非常棒。小小一口令人一直回味。呢個炭燒茄子超級香，魚卵拌魷魚配埋青瓜一齊食，好食又清涼，西京味噌秋葵好甜美，脆嫩嘅。呢啲搭埋一齊食真係好好食！牛肉好軟嫩，咬勁十足，配埋旁邊嘅味噌、昆布或者胡麻蔥汁，令味道更上一層樓！接住嚟就係和牛啦，配埋佢哋嘅日本蛋，包住牛肉一齊食，超級棒。非常美味多汁！呢個飯入面有蝦、海膽同埋和牛。唔錯嘅搭配，味道好好，我仲撕碎紫菜，放入飯度拌埋食，咬住仲有紫菜酥脆嘅感覺，超好食！呢個炭燒牛肉超級香，表面燒得好香，中間生一啲，食落去好有層次感，處理得非常完美。呢個飯都唔賴，入面有好多豐富嘅料，和牛、蘑菇、松露、海膽、魚子。拌埋食，非常美味，口感豐富！最後嘅蔬菜都係炭燒嘅，所以都十分有炭香味，火候掌握得啱啱好，味道唔錯。我地都食得非常開心。