勝面 (Closed)

再次嚟到朗豪坊既勝面，不得不讚朗豪坊嘅勝面可以話係成個商場入面一個性價比比較高嘅餐廳。上一次我哋嚟嘅時候試過佢哋嘅手撕雞同埋芋圓咁今次我哋就食下其他嘢食。今次我哋分別食咗麻辣牛頸脊肉湯飯 ，鹽酥雞滷肉飯，百香果茶，流心麻薯芋泥手抓餅。麻辣牛頸脊肉係佢其中一個餐牌推介嘅食品，上次就試咗配麵今次我哋揀左配湯飯估唔到配咗湯飯係另一種既感覺。初時都驚會辣既湯飯會難入口，點知無論係就咁飲湯定係連飯食都係咁好味，加上牛頸脊肉好嫩滑好香牛肉味連埋個麻辣湯好夾。鹽酥雞滷肉飯 呢度嘅鹽酥雞比起其他台式餐館嘅鹽酥雞佢係相對比較淋身感覺上呢就冇咁熱氣。🤩最有驚喜嘅係流心麻薯芋泥手抓餅，初時唔知道 芋泥麻薯手抓餅呢三樣嘢係點樣夾埋一齊 點知一啖食落去，芋頭味好重既芋泥，加上煙韌嘅麻糬，再加埋少少脆口嘅手抓餅 原來三種嘅感覺擺埋一齊，係出符意料咁夾。👍🏻最後飲埋個酸酸甜甜既百香果茶，佢絕對唔係用糖漿溝出黎，粒粒百香果果籽清晰可見，消膩一流。